128-ാമത് മാരാമണ്‍ കണ്വന്ഷന് ഒരുങ്ങി പമ്പാ മണല്‍പ്പുറം. ഇന്ന് ഉച്ച കഴിഞ്ഞ് 2.30ന് മാര്‍ത്തോമ്മ സഭാധ്യക്ഷന്‍ ഡോ.തിയഡോഷ്യസ് മാര്‍ത്തോമ്മ മെത്രാപ്പോലീത്ത കണ്‍വന്‍ഷൻ ഉദ്ഘാടനം ചെയ്യും.
സുവിശേഷ പ്രസംഗസംഘം പ്രസിഡന്‍റ് ഡോ.ജോസഫ് മാര്‍ ബര്‍ണബാസ് സഫ്രഗന്‍ മെത്രാപ്പോലീത്ത അധ്യക്ഷത വഹിക്കും. 19ന് ഉച്ചകഴിഞ്ഞ് 2.30നുള്ള യോഗത്തോടെ കണ്വന്ഷന് സമാപിക്കും. മാര്‍ത്തോമ്മ സഭയിലെ ബിഷപ്പുമാരെ കൂടാതെ ബിഷപ് ദിലോരാജ് ആര്‍. കനഗസാബെ (ശ്രീലങ്ക), കാനന്‍ഡമാര്‍ക്ക് ഡി. ചാപ്മാന്‍ (ഇംഗ്ലണ്ട്), ബിഷപ് മാർ റാഫേല്‍ തട്ടില്‍, ഡോ.സഖറിയാസ് മാര്‍ സേവേറിയോസ് മെത്രാപ്പോലീത്ത എന്നിവര്‍ പ്രധാന പ്രസംഗകരായിരിക്കും.
തിങ്കള്‍ മുതല്‍ ശനി വരെ രാവിലെ 10.30നും ഉച്ചകഴിഞ്ഞ് 2.30നും വൈകുന്നേരം അഞ്ചിനും യോഗങ്ങളുണ്ടാകും.
ബുധനാഴ്ച രാവിലെ 10.30ന് എക്യുമെനിക്കല്‍ യോഗത്തില്‍ മലങ്കര കത്തോലിക്കാ സഭ മാവേലിക്കര രൂപതാധ്യക്ഷന്‍ ജോഷ്വാ മാര്‍ ഇഗ്നാത്തിയോസ് മെത്രാപ്പോലീത്തയും, വൈകുന്നേരം അഞ്ചിനു സാമൂഹിക തിന്മകള്‍ക്കെതിരേയുള്ള യോഗത്തില്‍ ചങ്ങനാശേരി സഹായമെത്രാന്‍ മാര്‍ തോമസ് തറയിലും മുഖ്യപ്രസംഗം നടത്തും.
19നു വൈകുന്നേരം മാര്‍ത്തോമ്മ മെത്രാപ്പോലീത്തയുടെ സമാപന സന്ദേശത്തോടെ കണ്വന്ഷന് സമാപിക്കും.
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ് ഗ്രൂപ്പുകളിലേക്ക് സ്വാഗതം
Follow this link to join our WhatsAppgroup
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി ടെലഗ്രാം ഗ്രൂപ്പിലേക്ക് സ്വാഗതം
Follow this link to join our Telegram group
