ഫ്രാന്‍സിസ് മാര്‍പാപ്പയുടെ ആഹ്വാനപ്രകാരം കത്തോലിക്ക സഭ ആഗോളതലത്തില്‍ നടത്തുന്ന പാവങ്ങളുടെ ദിനാഘോഷം, സീറോ മലബാര്‍ സഭയുടെ പ്രോ ലൈഫ് അപ്പോസ്തലേറ്റിന്‍റെ നേതൃത്വത്തില്‍ കോതമംഗലം രൂപതയിലെ തൊടുപുഴ മൈലക്കൊമ്പ് ദിവ്യരക്ഷാലയത്തില്‍ നാളെ നടക്കും.
സീറോ മലബാര്‍ സഭ മേജര്‍ ആര്‍ച്ച്ബിഷപ്പും കെസിബിസി പ്രസിഡന്‍റുമായ കര്‍ദിനാള്‍ മാര്‍ ജോര്‍ജ് ആലഞ്ചേരി രാവിലെ 9.30ന് സ്‌നേഹസംഗമം ഉദ്ഘാടനം ചെയ്യും. പി.ജെ. ജോസഫ് എംഎല്‍എ അധ്യക്ഷത വഹിക്കും. കോതമംഗലം ബിഷപ് മാര്‍ ജോര്‍ജ് മഠത്തികണ്ടത്തില്‍ അനുഗ്രഹ പ്രഭാഷണം നടത്തും.
സീറോ മലബാര്‍ സഭയുടെ ഫാമിലി, ലെയ്റ്റി ആൻഡ് ലൈഫ് കമ്മീഷന്‍ ജനറല്‍ സെക്രട്ടറി ഫാ. ആന്‍റണി മൂലയില്‍, മൈലക്കൊമ്പ് സെന്‍റ് തോമസ് ഫൊറോന വികാരി ഫാ. മാത്യു കാക്കനാട്ട്, പ്രോ-ലൈഫ് അപ്പോസ്തലേറ്റ് എക്‌സിക്യൂട്ടീവ് സെക്രട്ടറി സാബു ജോസ്, ഫെഡറേഷന്‍ ഓഫ് മെന്‍റലി ഡിസേബിള്‍ഡ് സെക്രട്ടറി സന്തോഷ് ജോസഫ്, ബ്രദര്‍ മാവുരൂസ് മാളിയേക്കല്‍, ലവ് ഹോം രക്ഷാധികാരി മാത്തപ്പന്‍, കെസിബിസി പ്രോ-ലൈഫ് സമിതി ആനിമേറ്റര്‍ സിസ്റ്റര്‍ മേരി ജോര്‍ജ് എഫ്‌സിസി, ബേബി ചിറ്റിലപ്പള്ളി, ടോമി മാത്യു തുടങ്ങിവര്‍ പ്രസംഗിക്കും. ചടങ്ങില്‍ കാരുണ്യ ശുശ്രൂഷകരെ ആദരിക്കും.
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ് ഗ്രൂപ്പുകളിലേക്ക് സ്വാഗതം
Follow this link to join our WhatsAppgroup
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി ടെലഗ്രാം ഗ്രൂപ്പിലേക്ക് സ്വാഗതം
Follow this link to join our Telegram group
