തലശ്ശേരി അതിരൂപത ആർച്ച് ബിഷപ്പായി നിയമിതനായ മാർ ജോസഫ് പാംപ്ലാനിയുടെ സ്ഥാനാരോഹണവും സ്ഥാനമൊഴിയുന്ന ആർച്ച് ബിഷപ് മാർ ജോർജ് ഞറളക്കാട്ടിനുള്ള യാത്രയയപ്പും ഈ മാസം 20ന് നടക്കും.
തലശ്ശേരി സെന്റ് ജോസഫ് കത്തീഡ്രൽ അങ്കണത്തിൽ പ്രത്യേകമായി തയാറാക്കിയ വേദിയിൽ രാവിലെ ഒന്പതിനാണ് സ്ഥാനാരോഹണ ചടങ്ങ്.
സ്ഥാനാരോഹണത്തിലും ആർച്ച് ബിഷപ് മാർ ജോർജ് ഞറളക്കാട്ടിനുള്ള യാത്രയയപ്പ് സമ്മേളനത്തിലും മത-സാമൂഹ്യ-രാഷ്ട്രീയ മേഖലകളിലെ പ്രമുഖർ പങ്കെടുക്കും.
രാവിലെ ഒന്പതിന് ആരംഭിക്കുന്ന സ്ഥാനാരോഹണ കർമങ്ങൾക്ക് സീറോ മലബാർ സഭ മേജർ ആർച്ച് ബിഷപ് കർദിനാൾ മാർ ജോർജ് ആലഞ്ചേരി മുഖ്യ കാർമികത്വം വഹിക്കും.ആർച്ച്ബിഷപ് മാർ ജോർജ് ഞറളക്കാട്ട്, ആർച്ച്ബിഷപ് എമെരിറ്റസ് മാർ ജോർജ് വലിയമറ്റം എന്നിവർ സഹകാർമ്മികരാകും. സീറോ മലങ്കര സഭ മേജർ ആർച്ച് ബിഷപ് കർദിനാൾ ബസേലിയോസ് മാർ ക്ലീമിസ് കത്തോലിക്കാ ബാവ വചനസന്ദേശം നൽകും. തുടർന്ന് നടക്കുന്ന പൊതുസമ്മേളനം ഭാരത കത്തോലിക്കാ മെത്രാൻ സമിതി പ്രസിഡന്റ് കർദിനാൾ ഓസ്വാൾസ് ഗ്രേഷ്യസ് ഉദ്ഘാടനം ചെയ്യും.
കർദിനാൾ മാർ ജോർജ് ആലഞ്ചേരി അധ്യക്ഷത വഹിക്കും. ഇന്ത്യയിലെ വത്തിക്കാൻ സ്ഥാനപതി ആർച്ച്ബിഷപ് ലെയോപോൾ ദോ ജിറേല്ലി മുഖ്യാതിഥിയായിരിക്കും.
കേന്ദ്ര ആഭ്യന്തര സഹമന്ത്രി വി. മുരളീധരൻ, സംസ്ഥാന മന്ത്രിമാരായ എം.വി. ഗോവിന്ദൻ, റോഷി അഗസ്റ്റിൻ, കൊച്ചി ബിഷപ് ഡോ. ജോസഫ് കരിയിൽ, കെ. സുധാകരൻ എംപി, ജോൺ ബ്രിട്ടാസ് എംപി, ബൽത്തങ്ങാടി ബിഷപ് മാർ ലോറൻസ് മുക്കുഴി, എംഎൽഎമാരായ പി.കെ. കുഞ്ഞാലിക്കുട്ടി, സണ്ണി ജോസഫ്, എസ്എബിഎസ് പ്രൊവിൻഷ്യൽ സിസ്റ്റർ അനില മണ്ണൂർ, സരിഗ കൊന്നക്കൽ, അഡ്വ. ടോണി പുഞ്ചക്കുന്നേൽ എന്നിവർ ആശംസകളർപ്പിക്കും
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ് ഗ്രൂപ്പുകളിലേക്ക് സ്വാഗതം
Follow this link to join our WhatsAppgroup
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി ടെലഗ്രാം ഗ്രൂപ്പിലേക്ക് സ്വാഗതം
Follow this link to join our Telegram group