കൊച്ചി : കത്തോലിക്ക കോണ്ഗ്രസ് 105-ാം വാർഷികാഘോഷത്തിനു ഗംഭീര തുടക്കം.കത്തോലിക്കാ കോണ്ഗ്രസ് ഗ്ലോബൽ സമിതിയുടെയും മാനന്തവാടി രൂപതയുടെയും സംയുക്താഭിമുഖ്യത്തിലാണ് ആഘോഷം നടക്കുന്നത്.
കുറവിലങ്ങാട്ട് കത്തോലിക്ക കോണ്ഗ്രസ് പ്രഥമ അൽമായ പ്രസിഡന്റ് ജോണ് നിധീരിയുടെ കബറിട പരിസരത്ത് മുൻ സംസ്ഥാന പ്രസിഡന്റ് ജോണ് കച്ചിറമറ്റം തിരിയും നിലവിലെ പ്രസിഡന്റ് അഡ്വ. ബിജു പറയന്നിലത്തിനു കൈമാറിയ ദീപശിഖയും ഇന്നലെ വൈകുന്നേരം സമ്മേളന നഗരിയിൽ സ്ഥാപിച്ചു.
ജില്ലാ അതിർത്തിയിലെ ലക്കിടിയിൽ എകെസിസി രൂപതാ പ്രസിഡന്റ് ഡോ. കെ.പി. സാജു, ജനറൽ സെക്രട്ടറി സെബാസ്റ്റ്യൻ പുരയ്ക്കൽ, ഡയറക്ടർ ഫാ.ജോബി മുക്കാട്ടുകാവുങ്കൽ, സജി ഫിലിപ്പ്, സംഘാടകസമിതി ജനറൽ കണ്വീനർ ജോണ്സണ് തൊഴുത്തുങ്കൽ തുടങ്ങിയവരുടെ നേതൃത്വത്തിലാണു ദീപശിഖ ഏറ്റുവാങ്ങിയത്. കൽപ്പറ്റ, മീനങ്ങാടി, കേണിച്ചിറ, നടവയൽ, പനമരം, മാനന്തവാടി വഴിയാണ് ദീപശിഖാ പ്രയാണം ദ്വാരകയിൽ എത്തിയത്.
ഇന്നു രാവിലെ 10 മുതൽ ഉച്ചയ്ക്കു 12 വരെ ഗ്ലോബൽ പ്രവർത്തക സമിതി ചേരും. മാനന്തവാടി രൂപത വികാരി ജനറാൾ മോൺ. പോൾ മുണ്ടോളിക്കൽ ഉദ്ഘാടനം ചെയ്യും. ഉച്ചയ്ക്ക് 1.30ന് മാനന്തവാടി രൂപത സുവർണ ജൂബിലിയുടെ ഭാഗമായി സംഘടിപ്പിക്കുന്ന സമുദായ നേതൃസംഗമം സഹായമെത്രാൻ മാർ അലക്സ് താരാമംഗലം ഉദ്ഘാടനം ചെയ്യും. അഡ്വ. ബിജു പറയന്നിലം അധ്യക്ഷത വഹിക്കും. ബിഷപ് മാർ ജോസ് പൊരുന്നേടം അനുഗ്രഹപ്രഭാഷണം നടത്തും. സമ്മേളനനഗരിയിൽ അദ്ദേഹം കർഷകജ്വാല തെളിക്കും.
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ് ഗ്രൂപ്പുകളിലേക്ക് സ്വാഗതം
Follow this link to join our WhatsAppgroup
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി ടെലഗ്രാം ഗ്രൂപ്പിലേക്ക് സ്വാഗതം
Follow this link to join our Telegram group