ചെറുപുഷ്പ മിഷൻലീഗ് സംസ്ഥാന സമിതിയുടെ ആഭിമുഖ്യത്തിൽ പ്ലാറ്റിനം ജൂബിലിയുടെ ഭാഗമായി നടത്തുന്ന ഛായാചിത്ര പ്രയാണത്തിന് കോട്ടയം അതിരൂപത മലബാർ റീജണിലെ മടമ്പം ലൂർദ് മാതാ ഫൊറോന ദേവാലയത്തിൽ തുടക്കമായി. നൂറുകണക്കിനു മിഷൻ ലീഗ് പ്രവർത്തകർ പങ്കെടുത്ത ചടങ്ങിൽ താളമേളങ്ങളുടെ അകമ്പടിയോടെ സംസ്ഥാന സമിതി ഭാരവാഹികളിൽ നിന്ന് കണ്ണൂർ റീജണിനു വേണ്ടി ഛായാചിത്രം ഏറ്റുവാങ്ങി. തുടർന്ന് നടന്ന പ്രേഷിത റാലിയിൽ ചെമ്മഞ്ഞ പതാകയേന്തി കുട്ടികളും മുതിർന്നവരും ഉൾപ്പെടെ നിരവധി പേർ പങ്കെടുത്തു.
തുടർന്ന് ലൂർദ് മാതാ ഓഡിറ്റോറിയത്തിൽ നടന്ന സമ്മേളനം ചെറുപുഷ്പ മിഷൻ ലീഗ് സംസ്ഥാന ഡയറക്‌ടർ ഫാ. ഷിജു ഐക്കരക്കാനായിൽ ഉദ്ഘാടനം ചെയ്തു. പ്രേഷിത മേഖലകളുടെ പുതിയ വാതായനങ്ങൾ തുറക്കുവാനും ജനതകളുടെ ഹൃദയങ്ങളെ ചലിപ്പിക്കാനും ചെറുപുഷ്പ മിഷൻ ലീഗിന് സാധിച്ചിട്ടുണ്ടെന്ന് അദ്ദേഹം പറഞ്ഞു.
സംസ്ഥാന പ്രസിഡന്‍റ് ബേബി പ്ലാശേരി അധ്യക്ഷത വഹിച്ചു. മലബാർ റീജൺ ഓർഗനൈസർ രഞ്ജിത്ത് മുതുപ്ലാക്കൽ, കണ്ണൂർ റീജൺ ഡയറക്‌ടർ ഫാ. സിബിൻ കൂട്ടകല്ലുങ്കൽ, മടമ്പം ഫൊറോന വികാരി ഫാ. ഫിലിപ്പ് രാമച്ചനാട്ട്, കണ്ണൂർ റീജൺ പ്രസിഡന്‍റ് ബിനീത് അതിയായപ്പിള്ളിൽ, സംസ്ഥാന എക്സിക്യൂട്ടീവ് അംഗം ആര്യ റെജി കൊച്ചുപുരയ്ക്കൽ, സനിൽ ആനിമൂട്ടിൽ, സിസ്റ്റർ ഷൈനി സാം അലക്സ് കരിമ്പിൽ എന്നിവർ പ്രസംഗിച്ചു. സിസ്റ്റർ മാരിസ, സിസ്റ്റർ ക്രിസ്റ്റീന, അൽഫോൻസ കീഴങ്ങാട്ട് എന്നിവർ നേതൃത്വം നൽകി.
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ് ഗ്രൂപ്പുകളിലേക്ക് സ്വാഗതം
Follow this link to join our WhatsAppgroup
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി ടെലഗ്രാം ഗ്രൂപ്പിലേക്ക് സ്വാഗതം
Follow this link to join our Telegram group
