കോട്ടയം :വിശ്വാസമുള്ള കുടുംബങ്ങളുടെ രൂപീകരണം പരമപ്രധാനമാണെന്ന് ആര്‍ച്ച്ബിഷപ് മാര്‍ ജോസഫ് പെരുന്തോട്ടം. ചങ്ങനാശേരി മെത്രാപ്പോലീത്തന്‍ പള്ളി അങ്കണത്തില്‍ ആരംഭിച്ച 24ാമത് ചങ്ങനാശേരി അതിരൂപത ബൈബിള്‍ കണ്‍വന്‍ഷന്‍ ഉദ്ഘാടനം ചെയ്യുകയായിരുന്നു ആര്‍ച്ച്ബിഷപ്. നോമ്പുകാലത്തോടനുബന്ധിച്ചുള്ള ഈ കണ്‍വന്‍ഷന്‍ ജീവിതനവീകരണത്തിന് ഉപകരിക്കണമെന്നും അദ്ദേഹം ഉദ്‌ബോധിപ്പിച്ചു.
സഹായ മെത്രാന്‍ മാര്‍ തോമസ് തറയില്‍ അധ്യക്ഷത വഹിച്ചു. വികാരി ജനറാള്‍ മോണ്‍. ജോസഫ് വാണിയപ്പുരയ്ക്കല്‍, കത്തീഡ്രല്‍ വികാരി റവ.ഡോ.ജോസ് കൊച്ചുപറമ്പില്‍, ബൈബിള്‍ അപ്പോസ്തലേറ്റ് ഡയറക്ടര്‍ ഫാ.ജോര്‍ജ് മാന്തുരുത്തില്‍ തുടങ്ങിയവര്‍ പ്രസംഗിച്ചു.
വിശുദ്ധ കുര്‍ബാനയ്ക്ക് മാര്‍ ജോസഫ് പെരുന്തോട്ടം മുഖ്യ കാര്‍മികത്വം വഹിച്ചു. വികാരി ജനറാള്‍മാരായ മോണ്‍.വര്‍ഗീസ് താനമാവുങ്കല്‍, മോണ്‍.ജെയിംസ് പാലയ്ക്കല്‍, മോണ്‍.ജോസഫ് വാണിയപ്പുരയ്ക്കല്‍, പുളിങ്കുന്ന് ഫൊറോന വികാരി ഫാ.മാത്യു പുത്തനങ്ങാടി എന്നിവര്‍ സഹകാര്‍മികരായിരുന്നു.
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ് ഗ്രൂപ്പുകളിലേക്ക് സ്വാഗതം
Follow this link to join our WhatsAppgroup
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി ടെലഗ്രാം ഗ്രൂപ്പിലേക്ക് സ്വാഗതം
Follow this link to join our Telegram group
