കൊച്ചി :സംഘടിത ജനവിഭാഗങ്ങളും സംഘടനകളും രാഷ്ട്രീയ നേട്ടങ്ങള്ക്കും നിലനില്പിനുമായി രാജ്യം സ്തംഭിപ്പിക്കാന് ആഹ്വാനം ചെയ്തു നടത്തുന്ന പണിമുടക്കുകള് എന്തു നേടിത്തരുന്നുവെന്ന് പൊതുസമൂഹം വിലയിരുത്തി പ്രതികരിക്കണമെന്ന് കെസിബിസി ലെയ്റ്റി കമ്മീഷൻ സെക്രട്ടറി അഡ്വക്കേറ്റ് വി സി സെബാസ്റ്റ്യൻ ആവശ്യപ്പെട്ടു.
കോവിഡ് പ്രതിസന്ധികളില് നിന്നും കരകയറാന് ജനങ്ങള് കഷ്ടപ്പെടുന്ന സന്ദര്ഭത്തില് സര്ക്കാര് ഖജനാവില് നിന്നും ശമ്പളം പറ്റുന്ന സര്വീസ് സംഘടനകളും ഇതര ട്രേഡ് യൂണിയനുകളും പണിമുടക്കിന് ആഹ്വാനം ചെയ്തിരിക്കുന്നത് ജനദ്രോഹമാണെന്നും കടക്കെണിയും സാമ്പത്തിക തകര്ച്ചയും മൂലം തകര്ന്നിരിക്കുന്ന ശ്രീലങ്കന് ജനതയുടെ ദുരിത ജീവിതം ഈ നാട്ടിലും ആവര്ത്തിക്കാന് ജനവിരുദ്ധ സമര മാര്ഗങ്ങള് ഇടനല്കുമെന്നും അദ്ദേഹം പറഞ്ഞു.
ഇത്തരം സമരാഭാസങ്ങള്ക്ക് അവസാനമുണ്ടാക്കാന് പൊതുസമൂഹം ഉണരണമെന്നും രാജ്യം നിശ്ചലമാക്കാനുള്ള സംഘടിത ട്രേഡ് യൂണിയനുകളുടെ ആഹ്വാനം തള്ളിക്കളയണമെന്നും വി.സി. സെബാസ്റ്റ്യന് അഭ്യര്ഥിച്ചു.
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ് ഗ്രൂപ്പുകളിലേക്ക് സ്വാഗതം
Follow this link to join our WhatsAppgroup
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി ടെലഗ്രാം ഗ്രൂപ്പിലേക്ക് സ്വാഗതം
Follow this link to join our Telegram group