Lent is also a time of transition: Pope Francis
വത്തിക്കാൻ സിറ്റി: ഡിസംബർ 6ന് സെന്റ് പീറ്റേഴ്‌സ് സ്ക്വയറിൽ തന്റെ സന്ദേശത്തിൽ നോമ്പ്കാലത്തെ “പരിവർത്തനത്തിന്റെ യാത്ര ” എന്നാണ് ഫ്രാൻസിസ് മാർപാപ്പ വിശേഷിപ്പച്ചത്. ഈ നോമ്പുകാലത്ത് പരിവർത്തനം ചെയ്യപ്പെടാനുള്ള കൃപ നമ്മൾ ദൈവത്തോട് ചോദിക്കണം, ഫ്രാൻസിസ് മാർപാപ്പ തന്റെ ഞായറാഴ്ച പ്രസംഗത്തിൽ പറഞ്ഞു. എന്നാൽ യഥാർത്ഥ പരിവർത്തനം പ്രയാസമാണെന്ന് പപ്പാ അംഗീകരിച്ചു. നമ്മുടെ പാപങ്ങൾ ഉപേക്ഷിക്കുന്നത് അസാധ്യമാണെന്ന് വിശ്വസിക്കാൻ നമ്മൾ പ്രലോഭിപ്പിക്കപ്പെടുന്നു.
മാർപാപ്പ പറഞ്ഞു: “ഒരാൾ പരിവർത്തനം ആഗ്രഹിക്കുന്നുവെങ്കിലും അവനോ അവൾക്കോ അത് ചെയ്യാൻ കഴിയില്ലെന്ന് തോന്നുന്ന സാഹചര്യങ്ങളിൽ നമുക്ക് എന്തുചെയ്യാൻ കഴിയും? ഒന്നാമതായി, പരിവർത്തനം ഒരു കൃപയാണെന്ന് സ്വയം ഓർമ്മിപ്പിക്കുക: ആർക്കും സ്വന്തം ശക്തിയാൽ പരിവർത്തനം ചെയ്യാൻ കഴിയില്ല. ” ഇത് കർത്താവ് നമുക്ക് നൽകുന്ന ഒരു കൃപയാണ്, അതിനാൽ നമ്മൾ ദൈവത്തോട് അത് ആവശ്യപ്പെടണം. ദൈവത്തിന്റെ സൗന്ദര്യം, നന്മ, ആർദ്രത എന്നിവയിലേക്ക് നാം നമ്മെ തന്നെ സ്വയം തുറക്കുന്ന അവസ്ഥയിലേക്കു നമ്മെ പരിവർത്തനം ചെയ്യാൻ ദൈവത്തോട് ആവശ്യപ്പെടുക.
തന്റെ പ്രസംഗത്തിൽ, മാർപ്പാപ്പ ഞായറാഴ്ചത്തെസുവിശേഷവായനയെക്കുറിച്ച് ധ്യാനിച്ചു( മർക്കോസ് 1: 1-8)ഇത് മരുഭൂമിയിലെ സ്നാപകന്റെ ദൗത്യത്തെ വിവരിക്കുന്നു. “നോമ്പുകാലം നമ്മോട് ആവശ്യപ്പെടുന്നതിന് സമാനമായ വിശ്വാസത്തിന്റെ ഒരു കാഴ്ചപ്പാട് സ്നാപകൻ തന്റെ സമകാലികർക്ക് കൊടുത്തു. ക്രിസ്മസിൽ കർത്താവിനെ സ്വീകരിക്കാൻ നമ്മൾ സ്വയം തയ്യാറാകുന്നു. വിശ്വാസത്തിന്റെ ഈ യാത്ര പരിവർത്തനത്തിന്റെ ഒരു യാത്രയാണ്,”പാപ്പാ പറഞ്ഞു.വേദപുസ്തകത്തിൽ പരിവർത്തനം എന്നാൽ ‘ദിശമാറ്റം’എന്നാണ് അർത്ഥമെന്ന് മാർപാപ്പ വിശദീകരിച്ചു.
“ധാർമ്മികവും ആത്മീയവുമായ ജീവിതത്തിൽ, സ്വയം തിന്മയിൽ നിന്ന് നന്മയിലേക്കും പാപത്തിൽ നിന്ന് ദൈവസ്നേഹത്തിലേക്കും തിരിയുക. യുദയായിലെ മരുഭൂമിയിൽ ‘പാപമോചനത്തിനായി മാനസാന്തരത്തിന്റെ സ്നാനം പ്രസംഗിക്കുകയായിരുന്ന’ സ്നാപകൻ പഠിപ്പിക്കുന്നതും അത് തന്നെ ആണ് . “സ്നാനം സ്വീകരിക്കുക എന്നത് അവന്റെ പ്രസംഗം ശ്രവിക്കുകയും പശ്ചാത്തപിക്കുകയും ചെയ്തവരുടെ പരിവർത്തനത്തിന്റെ ബാഹ്യവും ദൃശ്യവുമായ അടയാളമായിരുന്നു. ആ സ്നാനം യോർദ്ദാനിലെ വെള്ളത്തിൽ മുങ്ങലായിരുന്നു, പക്ഷേ അത് യഥാർത്ഥ ഫലം ഉളവാക്കുന്നതായിരുന്നില്ല; അത് ഒരു അടയാളം മാത്രമായിരുന്നു. മാനസാന്തരപ്പെടാനും ജീവിതം മാറ്റാനും ഒരു സന്നദ്ധതയും ഇല്ലെങ്കിൽ അത് ഫലവത്താകില്ല . ” പാപത്തിൽ നിന്നും ലോകത്തിൽ നിന്നും അകന്നുനിൽക്കുന്നതിലൂടെയാണ് യഥാർത്ഥ പരിവർത്തനം സാധ്യമാകുന്നത് എന്ന് മാർപ്പാപ്പ വിശദീകരിച്ചു. മരുഭൂമിയിലെ തന്റെ ‘കഠിനമായ’ജീവിതത്തിലൂടെ സ്നാപകൻ ഇത് പ്രവർത്തികമാക്കി , പാപ്പാ പറഞ്ഞു.
“പരിവർത്തനം, ചെയ്ത പാപങ്ങൾക്കായുള്ള പരിഹാരം, അവയിൽ നിന്ന് സ്വയം മോചിപ്പിക്കാനുള്ള ആഗ്രഹം, അവയെ സ്വന്തം ജീവിതത്തിൽ നിന്ന് എന്നെന്നേക്കുമായി ഒഴിവാക്കാനുള്ള തീരുമാനം എന്നിവ അവയിൽ ഉൾപ്പെടുന്നു. പാപത്തെ ഒഴിവാക്കാൻ, അതുമായി ബന്ധപ്പെട്ടിരിക്കുന്ന എല്ലാം,അതായത്, ലൗകികമായ ചിന്തകൾ , സുഖസൗകര്യങ്ങളോടുള്ള അമിതമായ താല്പര്യം , ലൗകികാനന്ദത്തോടുള്ള അമിതമായ അഭിവാഞ്ച , അതിയായ സമ്പത്ത് എന്നിവ ഉപേക്ഷിക്കേണ്ടതുണ്ട് ” പാപ്പാ പറഞ്ഞു. മനപരിവർത്തനത്തിന്റെ രണ്ടാമത്തെ അടയാളം ദൈവത്തിനും അവന്റെ രാജ്യത്തിനുമായുള്ള തിരച്ചിലാണെന്ന് മാർപ്പാപ്പ പറഞ്ഞു. സുഖസൗകര്യങ്ങളിൽ നിന്നും ലൗകികതയിൽ നിന്നുമുള്ള അകൽച്ചയിൽ എല്ലാം അവസാനിക്കുന്നില്ല. എന്നാൽ അതിലും വിലയേറിയത് എന്തെങ്കിലും, അതായത് ദൈവരാജ്യം, ദൈവവുമായുള്ള കൂട്ടായ്മ, ദൈവവുമായുള്ള സൗഹൃദം എന്നിവ നേടുന്നതിനാണ് ലക്ഷ്യമിടേണ്ടത് പാപത്തിന്റെ ബന്ധനങ്ങളെ തകർക്കാൻ പ്രയാസമാണെന്ന് മാർപാപ്പ അഭിപ്രായപ്പെട്ടു . “ജീവിതത്തിലെ പൊരുത്തക്കേട്, നിരുത്സാഹപ്പെടുത്തൽ, തിന്മയുടെ സ്വാധീനം , അനാരോഗ്യകരമായ അന്തരീക്ഷം, തെറ്റായ ഉദാഹരണങ്ങൾ” എന്നിവ നമ്മുടെ മനസാന്തരപ്പെടാനുള്ള സ്വാതന്ത്ര്യത്തിന് തടസ്സമാണെന്ന് പാപ്പാ പറഞ്ഞു .
പാപ്പ ഉപസംഹരിച്ചു: “നാളെ കഴിഞ്ഞു നാം ആഘോഷിക്കുന്ന അമലോത്ഭവത്തിരുന്നാളിൽ ഏറ്റവും പരിശുദ്ധയായ മറിയം, ദൈവത്തിലേക്കും, അവന്റെ വചനത്തിലേക്കും, അവന്റെ സ്നേഹത്തിലേക്കും നമ്മെത്തന്നെ തുറക്കുന്നതിനായി പാപത്തിൽ നിന്നും ലൗകികതയിൽ നിന്നും കൂടുതൽ കൂടുതൽ വേർപെടുത്തപ്പെടാൻ നമ്മളെ സഹായിക്കുന്നു.”
‘ കർത്താവിന്റെ മാലാഖ ‘ചൊല്ലിയതിനു ശേഷം, സെന്റ് പീറ്റേഴ്‌സ് സ്ക്വയറിൽ തന്നോടൊപ്പം ചേർന്നതിന് തീർഥാടകരെ മാർപ്പാപ്പ അഭിനന്ദിച്ചു. ലോകത്തെല്ലായിടത്തും ക്രിസ്തുമസിന്റെ അടയാളമായ ക്രിസ്തുമസ് ട്രീ ഉയരുന്ന സമയമാണ്. അടയാളം നിലനിർത്തിക്കൊണ്ടു തന്നെ യഥാർത്ഥ അർത്ഥത്തിലേക്കു നാം പോകണമെന്ന് പാപ്പാ ഓർമ്മിപ്പിച്ചു; അതായതു യേശുവിലേക്കു, അവൻ നമുക്ക് വെളിപ്പെടുത്തിയിട്ടുള്ള ദൈവസ്നേഹത്തിലേക്കു, ലോകത്തിന് നൽകിയ അനന്തമായ നന്മയിലേക്ക്, ലോകത്തെ നയിച്ച വെളിച്ചത്തിലേക്ക്, മാർപാപ്പ കൂട്ടിച്ചേർത്തു. “ഈ വെളിച്ചത്തിനു കെടുത്താൻ കഴിയാത്ത പകർച്ചവ്യാധിയുമില്ല പ്രതിസന്ധിയുമില്ല; അത് നമ്മുടെ ഹൃദയത്തിൽ പ്രവേശിക്കാൻ അനുവദിക്കുക, ആ വെളിച്ചം ആവശ്യമുള്ളവർക്ക് പങ്കുവച്ചു കൊടുക്കുക. ഇപ്രകാരം ദൈവം നമ്മിലും നമ്മുടെ ഇടയിലും പുതുതായി ജനിക്കും. ” പിതാവ് ഉദ്‌ബോധിപ്പിച്ചു.
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി ഞങ്ങളുടെ വാട്സാപ്പ് ഗ്രൂപ്പുകളിലേക്ക് സ്വാഗതം
Follow this link to join our WhatsApp group
