സമർപ്പിത സമൂഹങ്ങളുടെ ശുശ്രൂഷ സഭയെ സംരക്ഷിക്കുന്നതിൽ വളരെ വലിയ പങ്ക് വഹിക്കുന്നുവെന്ന് സീറോ മലബാർ സഭ മേജർ ആർച്ച്ബിഷപ് കർദിനാൾ മാർ ജോർജ് ആലഞ്ചേരി. അവരുടെ പ്രാർത്ഥനകളിലൂടെയും കാരുണ്യ പ്രവൃത്തികളിലൂടെയുമാണ് അതു നിർവ്വഹിക്കുന്നതെന്നും അദ്ദേഹം വ്യക്തമാക്കി. കാക്കനാട് മൗണ്ട് സെന്‍റ് തോമസിൽ ചേർന്ന സീറോമലബാർ സഭയിലെ സമർപ്പിത സമൂഹങ്ങളുടെ സുപ്പീരിയർ ജനറൽമാരുടെ സമ്മേളനം ഉദ്ഘാടനം ചെയ്തു പ്രസംഗിക്കുകയായിരുന്നു കർദിനാൾ.
സഭയുടെ ആരാധനാക്രമ-ദൈവശാസ്ത്ര-ആധ്യാത്മിക-സഭാക്രമ പൈതൃകം സംരക്ഷിക്കാൻ സമർപ്പിതരും കടപ്പെട്ടവരാണെന്നും ഏതൊക്കെ സ്ഥലങ്ങളിൽ ശുശ്രൂഷ നിർവ്വഹിച്ചാലും സഭാപരമായും ആരാധനക്രമപരമായും സീറോമലബാർ സഭയുടെ ചൈതന്യം നിലനിർത്തേണ്ടവരാണ് സീറോ മലബാർ സഭയിലെ സമർപ്പിതരെന്നും ഏവരെയും അദ്ദേഹം ഓർമിപ്പിച്ചു.
സമർപ്പിതർക്കു വേണ്ടിയുള്ള കമ്മീഷൻ ചെയർമാൻ മാർ സെബാസ്റ്റ്യൻ വടക്കേൽ അധ്യക്ഷത വഹിച്ചു. ആരാധനക്രമ കമ്മീഷൻ ചെയർമാൻ മാർ തോമസ് ഇലവനാൽ മുഖ്യ പ്രഭാഷണം നടത്തി.
സമർപ്പിതർക്കു വേണ്ടിയുള്ള കമ്മീഷൻ സെക്രട്ടറി ഫാ. സെബാസ്റ്റ്യൻ മുട്ടംതൊട്ടിൽ എംസിബിഎസ്, ഓഫീസ് സെക്രട്ടറി സിസ്റ്റർ റോസ്മിൻ എംഎസ്ജെ എന്നിവർ പ്രസംഗിച്ചു.
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ് ഗ്രൂപ്പുകളിലേക്ക് സ്വാഗതം
Follow this link to join our WhatsAppgroup
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി ടെലഗ്രാം ഗ്രൂപ്പിലേക്ക് സ്വാഗതം
Follow this link to join our Telegram group
