റമ്പാന്‍മാരായ റവ. മര്‍ക്കോസ് ചെമ്പകശേരില്‍, റവ. ഗീവര്‍ഗീസ് കുറ്റിപറിച്ചേല്‍ എന്നിവരെ നാളെ മെത്രാപ്പോലീത്തമാരായി അഭിഷേചിക്കും.
ലബനോനിലെ പാത്രിയര്‍ക്കാ അരമനയിലെ സെന്‍റ് മേരീസ് ചാപ്പലില്‍ നടക്കുന്ന ശുശ്രൂഷയ്ക്കു ആകമാന സുറിയാനി സഭയുടെ പരമാധ്യക്ഷന്‍ ഇഗ്നാത്തിയോസ് അപ്രേം ദ്വിതീയന്‍ പാത്രിയര്‍ക്കീസ് ബാവാ മുഖ്യകാര്‍മികത്വം വഹിക്കും. ലബനോന്‍ സമയം രാവിലെ എട്ടിനു പ്രഭാതപ്രാര്‍ത്ഥന, ഒമ്പതിനു കുര്‍ബാന തുടര്‍ന്ന് സ്ഥാനാരോഹണ ശുശ്രൂഷയും നടക്കും. ഇന്ത്യന്‍ സമയം രാവിലെ 11.30 നാണ് ശുശ്രൂഷ.
പാത്രിയര്‍ക്കീസ് ബാവാ ഓഗസ്റ്റ് 18ന് സിറിയായിലെ മറാത് സെയ്ദ്‌നിയയിലെ മാര്‍ അഫ്രേം ദയറായില്‍ ഇരുവരെയും റമ്പാന്‍ പദവിയിലേക്ക് ഉയര്‍ത്തി.
മര്‍ക്കോസ് റമ്പാന്‍ പാത്രിയര്‍ക്കീസ് ബാവായുടെ മലങ്കര അഫയേഴ്‌സ് സെക്രട്ടറിയും ഗീവര്‍ഗീസ് റമ്പാന്‍ ഓസ്‌ട്രേലിയായിലെ പെര്‍ത്ത് സെന്‍റ് പീറ്റേഴ്‌സ് പള്ളി വികാരിയുമാണ്. മലബാര്‍ ഭദ്രാസനത്തിലെ സിംഹാസന പള്ളികള്‍ക്കു വേണ്ടിയാണ് ഗീവര്‍ഗീസ് റമ്പാന്‍ അഭിഷിക്തനാകുന്നത്.
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ് ഗ്രൂപ്പുകളിലേക്ക് സ്വാഗതം
Follow this link to join our WhatsAppgroup
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി ടെലഗ്രാം ഗ്രൂപ്പിലേക്ക് സ്വാഗതം
Follow this link to join our Telegram group
