കോട്ടയം: സമൂഹത്തിൽ വർദ്ധിച്ചു വരുന്ന തിന്മകൾക്കെതിരെ കൂട്ടായ്മയിലൂടെ പ്രതികരിക്കേണ്ട സമയം അതിക്രമിച്ചിരിക്കുന്നതായി ചങ്ങനാശ്ശേരി ആർച്ച് ബിഷപ് മാർ ജോസഫ് പെരുന്തോട്ടം.കത്തോലിക്കാ കോണ്ഗ്രസ് ചങ്ങനാശ്ശേരി അതിരൂപതാ സമിതിയുടെ 104-ാമതു വാർഷികത്തൊടനുബന്ധിച്ചുള്ള സമുദായ സംഗമം ഏറ്റുമാനൂർ ക്രിസ്തുരാജ് പള്ളിയിൽ ഉദ്ഘാടനം ചെയ്തു പ്രസംഗിക്കുകയായിരുന്നു ആർച്ച് ബിഷപ്.
രാഷ്ട്രീയത്തിന് അതീതമായി നന്മയും സ്വഭാവശുദ്ധിയും ഉള്ള വ്യക്തികളെ കണ്ടെത്തി വിജയിപ്പിക്കേണ്ടത് സമൂഹത്തിനും സമുദായത്തിനും അനിവാര്യമാണെന്ന് ചടങ്ങിൽ മുഖ്യപ്രഭാഷണം നടത്തിയ കത്തോലിക്കാ കോണ്ഗ്രസ് ഗ്ലോബൽ സമിതി പ്രസിഡന്റ് ബിജു പറയന്നിലം പറഞ്ഞു.കത്തോലിക്കാ കോണ്ഗ്രസ് അതിരൂപത പ്രസിഡന്റ് അഡ്വ. പി. പി. ജോസഫ് അധ്യക്ഷനായിരുന്നു. അതിരൂപത ഡയറക്ടർ ഫാ. സെബാസ്റ്റ്യൻ ചാമക്കാല ആമുഖപ്രഭാഷണം നടത്തി.അതിരൂപതയിലെ വിവിധ സംഘടനകളിലെ പ്രതിനിധികളെ പങ്കെടുപ്പിച്ച് കൊണ്ടു രാവിലെ നടന്ന നേതൃയോഗം ചങ്ങനാശ്ശേരി അതിരൂപത സഹായ മെത്രാൻ മാർ തോമസ് തറയിൽ ഉദ്ഘാടനം ചെയ്തു.
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ് ഗ്രൂപ്പുകളിലേക്ക് സ്വാഗതം
Follow this link to join our WhatsAppgroup
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി ടെലഗ്രാം ഗ്രൂപ്പിലേക്ക് സ്വാഗതം
Follow this link to join our Telegram group