ഒറീസയിലെ ബാലേശ്വർ രൂപതയുടെ മെത്രാനായി റൈറ്റ് റവ. ഫാ. വർഗീസ് തോട്ടക്കര സി.എം. യെ ഫ്രാൻസിസ് മാർപാപ്പ നിയമിച്ചു.
മോസ്റ്റ് റവ. വർഗീസ് തോട്ടംകര, സി.എം. (64), കിഴക്കൻ ആഫ്രിക്കയിലെ എത്യോപ്യയിലെ നെകെംതെ വികാരി അപ്പസ്തോലികായി സേവനമനുഷ്ഠിച്ചു വരികെയാണ് പുതിയ നിയമനം.
എറണാകുളം-അങ്കമാലി സീറോ മലബാർ അതിരൂപതയിലെ തോട്ടുവയിൽ 1960 മെയ് 23 നാണ് ബിഷപ്പ് വർഗീസ് തോട്ടംകര ജനിച്ചത്. കൂവപ്പടിയിലെ ജി വി എച്ച് സ്കൂളിൽ മെട്രിക്കുലേഷൻ പഠനം പൂർത്തിയാക്കിയ ശേഷം ജൂലൈയിൽ ഗോപാൽപൂരിലെ കോൺഗ്രിഗേഷൻ ഓഫ് ദി മിഷന്റെ (സിഎം) മൈനർ സെമിനാരിയിൽ ചേർന്നു.
1987 ജനുവരി 6-ന് സ്വന്തം ഇടവകയായ സെന്റ് ലൂയിസിൽ വച്ച് വൈദികനായി അഭിഷിക്തനായി. കർദിനാൾ ആന്റണി പടിയറയുടെ തോട്ടുവ സെന്റ് ജോസഫ്‌സ് പള്ളിയിലും,1987-ൽ മുനിഗുഡയിൽ അസിസ്റ്റന്റ് പാസ്റ്ററായും 1988-1990 വരെ ക്രിസ്റ്റ്നഗറിൽ (അല്ലഡ) അസിസ്റ്റന്റ് പാസ്റ്ററായും ഹോസ്റ്റൽ വാർഡനായും സേവനമനുഷ്ഠിച്ചു. 1990-ൽ അംബോയിലെ എത്യോപ്യയിലെ വിൻസെൻഷ്യൻമാരുടെ മൈനർ സെമിനാരിയിൽ പഠിപ്പിക്കാൻ എത്യോപ്യയിലേക്ക് അയച്ചു. 1992-ൽ അഡിസ് അബാബയിലെ മേജർ സെമിനാരിയിൽ വിസിറ്റിംഗ് പ്രൊഫസറായും 1993-ൽ സെന്റ് ജോൺ ദി ബാപ്റ്റിസ്റ്റ് ചർച്ചിന്റെ ആദ്യ റെക്ടറായി അഡിസ് അബാബയിലും സേവനമനുഷ്ഠിച്ചിട്ടുണ്ട്.
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ് ഗ്രൂപ്പുകളിലേക്ക് സ്വാഗതം
Follow this link to join our WhatsAppgroup
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി ടെലഗ്രാം ഗ്രൂപ്പിലേക്ക് സ്വാഗതം
Follow this link to join our Telegram group
