കോട്ടയം: സീറോ മലബാർ സഭയുടെ ആധുനിക ചരിത്രം ഉദ്ഘാടനം ചെയ്യപ്പെട്ടത് മാന്നാനത്താണെന്ന് ആർച്ച് ബിഷപ്പ്‌ മാർ ജോസഫ് പെരുന്തോട്ടം.മാന്നാനം ആശ്രമ ദേവാലയത്തിന്‍റെ പുനർ കൂദാശ കർമ്മത്തിനുശേഷം സംസാരിക്കുകയായിരുന്നു അദ്ദേഹം.
വൈദികരും സന്യാസിനികളുമടക്കമുള്ള വിശ്വാസസമൂഹത്തിന്‍റെ പ്രാർഥനകൾ തീർത്ത ഭക്തിസാന്ദ്രമായ അന്തരീക്ഷത്തിലായിരുന്നു മാന്നാനം ആശ്രമ ദേവാലയത്തിന്‍റെ പുനർകൂദാശ.തിരുകർമ്മങ്ങൾക്ക് ചങ്ങനാശേരി ആർച്ച് ബിഷപ്പ്‌ മാർ ജോസഫ് പെരുന്തോട്ടo മുഖ്യകാർമികത്വo വഹിച്ചു.
സിഎംഐ സഭ പ്രിയോർ ജനറൽ റവ.ഡോ. തോമസ് ചാത്തംപറന്പിൽ, അസിസ്റ്റന്‍റ് ജനറൽ ഫാ. ജോസി താമരശേരി, തിരുവനന്തപുരം പ്രൊവിൻസിന്റെ പ്രൊവിൻഷൽ ഫാ. സെബാസ്റ്റ്യൻ ചാമത്തറ, കോയന്പത്തൂർ പ്രൊവിൻസിന്റെ പ്രൊവിൻഷൽ ഫാ. സാജു ചക്കാലയ്ക്കൽ എന്നിവർ സഹകാർമികരായിരുന്നു.
വിശുദ്ധ ചാവറ പിതാവിന്‍റെയും വിശുദ്ധ എവുപ്രാസ്യാമ്മയുടെയും വിശുദ്ധപദവിയുടെ ഏഴാം വാർഷിക ദിനാചരണവും ഇതോടൊപ്പം നടന്നു. സിഎംഐ സഭയുടെ വിവിധ പ്രൊവിൻസുകളിലെ പ്രൊവിൻഷൽമാർ, കൗണ്‍സിലർമാർ, സിഎംസി സന്യാസസമൂഹത്തിന്‍റെ മദർ ജനറൽ സിസ്റ്റർ ഗ്രെയ്സ് തെരേസ്, ജനറൽ കൗണ്‍സിലർമാർ, വിവിധ സഭകളുടെ സുപ്പീരിയർമാർ, വൈദികർ, സന്യാസിനികൾ, പൊതുപ്രവർത്തകർ തുടങ്ങിയവർ പങ്കെടുത്തു.
മാന്നാനം ആശ്രമം പ്രിയോർ ഫാ. മാത്യൂസ് ചക്കാലയ്ക്കൽ സ്വാഗതവും വൈസ് പ്രിയോർ ഫാ. തോമസ് കല്ലുകളം നന്ദിയും പറഞ്ഞു. ഫാ. ജയിംസ് മുല്ലശേരി, ഫാ. ആന്‍റണി കാഞ്ഞിരത്തിങ്കൽ തുടങ്ങിയവർ ക്രമീകരണങ്ങൾക്ക് നേതൃത്വം നൽകി.
പുനർകൂദാശാ കർമത്തിനുശേഷം മന്ത്രി വി.എൻ. വാസവൻ, തോമസ് ചാഴികാടൻ എംപി, എംഎൽഎമാരായ പി.ജെ. ജോസഫ്, മോൻസ് ജോസഫ്, മുൻ എംഎൽഎ പി.സി. ജോർജ്, ജില്ലാ പഞ്ചായത്ത് പ്രസിഡന്‍റ് നിർമല ജിമ്മി, അതിരന്പുഴ പഞ്ചായത്ത് പ്രസിഡന്‍റ് ബിജു വലിയമല, ടോമി കല്ലാനി, ലിജിൻ ലാൽ, ജോസ് ടോം തുടങ്ങിയവർ വിശുദ്ധ ചാവറ പിതാവിന്‍റെ കബറിടത്തിൽ പുഷ്പാർച്ചന നടത്തി.
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ് ഗ്രൂപ്പുകളിലേക്ക് സ്വാഗതം
Follow this link to join our WhatsAppgroup
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി ടെലഗ്രാം ഗ്രൂപ്പിലേക്ക് സ്വാഗതം
Follow this link to join our Telegram group
