ചെറുപുഷ്പ മിഷൻ ലീഗ് ദേശീയ കൗണ്‍സിൽ യോഗവും പ്രവർത്തന വർഷ ഉദ്ഘാടനവും നാളെ നടക്കും
രാവിലെ പത്തിനു കാക്കനാട് മൗണ്ട് സെന്‍റ് തോമസിൽ ആരംഭിക്കുന്ന കൗണ്‍സിൽ യോഗത്തിന്റെയും പ്രവർത്തന വർഷത്തിന്‍റെയും ഉദ്ഘാടനം സീറോ മലബാർ സഭ മേജർ ആർച്ച് ബിഷപ്പും മിഷൻ ലീഗ് രക്ഷാധികാരിയുമായ കർദിനാൾ മാർ ജോർജ് ആലഞ്ചേരി നിർവഹിക്കും. യോഗത്തിൽ ദേശീയ പ്രസിഡന്‍റ് ബിനോയി പള്ളിപ്പറമ്പിൽ അധ്യക്ഷത വഹിക്കും.
സീറോ മലബാർ വൊക്കേഷൻ കമ്മീഷൻ സെക്രട്ടറി റവ. ഡോ.സെബാസ്റ്റ്യൻ മുട്ടംതൊട്ടിൽ, ദേശീയ ഡയറക്ടർ റവ.ഡോ. ജയിംസ് പുന്നപ്ലാക്കൽ, അന്തർദേശീയ അഡ്ഹോക് കമ്മിറ്റി പ്രസിഡന്‍റ് ഡേവീസ് വല്ലൂരാൻ, കേരള സംസ്ഥാന ഡയറക്ടർ ഫാ. ഷിജു ഐക്കരക്കാനായിൽ, കുഞ്ഞേട്ടൻ പുരസ്കാര ജേതാവ് തോമസ് ഏറനാട്ട്, ദേശീയ വൈസ് ഡയറക്ടർമാരായ ഫാ.ജോസഫ് മറ്റം, സിസ്റ്റർ ആൻ ഗ്രേയ്സ്, ദേശീയ ജനറൽ ഓർഗനൈസർ ജോണ് കൊച്ചുചെറുനിലത്ത് എന്നിവർ പ്രസംഗിക്കും.
സമാപന സമ്മേളനത്തിൽ സുപ്രീം കോടതി മുൻ ജഡ്ജിയും മിഷൻ ലീഗിന്‍റെ ആദ്യത്തെ ദേശീയ പ്രസിഡന്‍റുമായ ജസ്റ്റീസ് കുര്യൻ ജോസഫ് മുഖ്യാതിഥിയായിരിക്കും.
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ് ഗ്രൂപ്പുകളിലേക്ക് സ്വാഗതം
Follow this link to join our WhatsAppgroup
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി ടെലഗ്രാം ഗ്രൂപ്പിലേക്ക് സ്വാഗതം
Follow this link to join our Telegram group
