തിരുവനന്തപുരം ലത്തീൻ അതിരൂപതയുടെ നേതൃത്വത്തിൽ വിഴിഞ്ഞം തുറമുഖ നിർമ്മാണത്തിനെതിരെ നടത്തുന്ന ഉപവാസ സമരം രണ്ടാം ദിവസത്തിലേക്ക്.
ആവേശത്തോടെ നൂറുകണക്കിനു മത്സ്യത്തൊഴിലാളികളാണ് സമരത്തിൽ പങ്കാളികളായത് . 22 ദിവസം മുൻപ് ആരംഭിച്ച പ്രതിഷേധസമരം തീരദേശം പൂർണമായി ഏറ്റെടുത്തതിന്‍റെ പ്രതിഫലനമായിരുന്നു ഇന്നലെ കണ്ട ജനസാന്നിധ്യം.
സമരസമിതി കൺവീനർ ഫാ. തിയോഡോഷ്യസ് ഡിക്രൂസ്, സമരസമിതി അംഗം ഫാ.മൈക്കിൾ തോമസ്, ഫാ. സൈറസ് കളത്തിൽ, ഫാ. ഗ്ലാഡിൻ അലക്സ്, സമരസമിതി കൺവീനർ പാട്രിക് മൈക്കിൾ, സമരസമിതി അംഗവും കെഎൽസിഎ സംസ്ഥാന വൈസ് പ്രസിസന്‍റ് ജോൺസൺ ജോസഫ് എന്നിവർ നടത്തിയ നിരാഹാര സമരത്തിനു പുതിയതുറ, പൂവാർ ഇടവകകളിൽനിന്നു പിന്തുണയുമായി നൂറു കണക്കിനു മത്സ്യത്തൊഴിലാളികൾ സമരപ്പന്തലിൽ എത്തി.
സമരം പൂവാർ ഇടവക വികാരി ഫാ. അനീഷ് ഫെർണാണ്ടസ് ഉദ്ഘാടനം ചെയ്തു. പുതിയതുറ ഇടവക വികാരി ഫാ. സജു റോൾ ഡോൺ ആശംസകൾ അറിയിച്ചു. പാലാ രൂപത പിതൃവേദി അംഗങ്ങളും കൊല്ലം രൂപതാ കാഞ്ഞിരക്കോട് ഫൊറോനാ അംഗങ്ങളും, മെഡിക്കൽ മിഷൻ സൗത്ത് ഇന്ത്യ പ്രോവിൻസ് ഭാരവാഹികളും ഹോളി ഹോം കുടുംബങ്ങളും അഭിവാദ്യം അർപ്പിക്കാനെത്തി.
സമരം കൂടുതൽ ശക്തമാക്കുമെന്ന മുന്നറിയിപ്പു നൽകി വൈകുന്നേരം അഞ്ചിനു നാരങ്ങനീർ കുടിച്ച് ഇന്നലത്തെ നിരാഹരം അവസാനിപ്പിച്ചു. മോൺ. യൂജിൻ എച്ച്. പെരേര, ഫാ.ജോൺ ബോസ്കോ, ഫാ.ഫ്രെഡി സോളമൻ തുടങ്ങിയവർ പങ്കെടുത്തു.
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ് ഗ്രൂപ്പുകളിലേക്ക് സ്വാഗതം
Follow this link to join our WhatsAppgroup
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി ടെലഗ്രാം ഗ്രൂപ്പിലേക്ക് സ്വാഗതം
Follow this link to join our Telegram group
