ഇന്ത്യൻ റെയില്‍വേയുടെ എല്ലാ സേവനങ്ങളും ഒറ്റ ആപ്പില്‍
ഇന്ത്യൻ റെയില്‍വേയുടെ എല്ലാ സേവനങ്ങളും ഒറ്റ ആപ്പില്‍
ദില്ലി: എല്ലാ ട്രെയിൻ സേവനങ്ങളും ഒരു കുടക്കീഴില്‍ പൊതുജനങ്ങള്‍ക്ക് ലഭ്യമാക്കുന്നതിനായി റെയില്‍വേ മന്ത്രാലയം പുതിയ സൂപ്പർ ആപ്പ് 'സ്വറെയില്‍' അവതരിപ്പിച്ചു.
ഇന്ത്യൻ റെയില്‍വേയുമായി ബന്ധപ്പെട്ട എല്ലാ സേവനങ്ങളും യാത്രക്കാർക്ക് ഒരുമിച്ച്‌ ലഭ്യമാക്കുന്നതിനായി സെന്‍റര്‍ ഫോർ റെയില്‍വേ ഇൻഫർമേഷൻ സിസ്റ്റംസ് (CRIS)ആണ് ആപ്പ് വികസിപ്പിച്ചത്. നിലവില്‍ വ്യത്യസ്‌ത ആപ്പുകള്‍ വഴിയായിരുന്നു റെയില്‍വേ സേവനങ്ങള്‍ ലഭിച്ചിരുന്നത്.
റെയില്‍വേ സൂപ്പർ ആപ്പ് ട്രെയിൻ യാത്രയ്‌ക്കായി റിസർവ് ചെയ്‌തതും റിസർവ് ചെയ്യാത്തതുമായ ടിക്കറ്റ് ബുക്കിംഗ്, പ്ലാറ്റ്ഫോം, പാഴ്സല് ബുക്കിംഗ്, ട്രെയിൻ, പിഎൻആർ അന്വേഷണങ്ങള്‍, റെയില്‍ മദാദ് വഴിയുള്ള സഹായം എന്നിവ ഉള്‍പ്പെടെ നിരവധി സേവനങ്ങള്‍ വാഗ്ദാനം ചെയ്യുന്നു. ആപ്പ് നിലവില്‍ ഗൂഗിള്‍ പ്ലേ സ്റ്റോർ, ആപ്പിളിന്‍റെ ആപ്പ് സ്റ്റോർ എന്നിവയിലൂടെ ബീറ്റ ടെസ്റ്റിംഗിനായി ലഭ്യമാണ്. പരിശോധന പൂർത്തിയായതിന് ശേഷം ഉടൻ പുറത്തിറങ്ങുമെന്നാണ് പ്രതീക്ഷിക്കുന്നത്.
ആപ്പ് നല്‍കുന്ന സേവനങ്ങള്‍
1. റിസർവ് ചെയ്ത ടിക്കറ്റ് ബുക്കിംഗ്
2. റിസർവ് ചെയ്യാത്ത ടിക്കറ്റും പ്ലാറ്റ്ഫോം ടിക്കറ്റ് ബുക്കിംഗും
3. പാഴ്സല്, ചരക്ക് അന്വേഷണങ്ങള്‍
4. ട്രെയിൻ, പിഎൻആര്‍ സ്റ്റാറ്റസ് അന്വേഷണങ്ങള്‍
5. ട്രെയിനുകളില്‍ ഭക്ഷണ ഓർഡർ ചെയ്യാൻ
6. പരാതികള്‍ക്കുള്ള റെയില്‍ മദാദ്
പുതിയ സൂപ്പർ ആപ്പില്‍ സിംഗിള്‍ സൈൻ-ഓണ്‍, ഈസി ഓണ്‍ബോർഡിംഗ്/സൈൻ-അപ്പ് തുടങ്ങിയ യാത്രാ സഹായ സവിശേഷതകളും ഇന്ത്യൻ റെയില്‍വേയുടെ മറ്റ് യാത്രാ സംബന്ധിയായ എല്ലാ ചോദ്യങ്ങളിലും ഉപയോക്താക്കളെ സഹായിക്കുമെന്ന് ഇന്ത്യൻ റെയില്‍വേ വ്യക്തമാക്കുന്നു. ആപ്പ് നിലവില്‍ ബീറ്റ പരിശോധനയ്ക്ക് ലഭ്യമാണ്. ആപ്പ് ഉടൻ എല്ലാവർക്കും ലഭ്യമാകും. റെയില്‍കണക്‌ട് അല്ലെങ്കില്‍ യുടിഎസ് മൊബൈല്‍ ആപ്പിന്‍റെ നിലവിലുള്ള ഉപയോക്താക്കള്‍ക്ക് അവരുടെ ക്രെഡൻഷ്യലുകള്‍ ഉപയോഗിച്ച്‌ നേരിട്ട് തന്നെ ലോഗിൻ ചെയ്യാൻ കഴിയും.
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ്,ടെലഗ്രാം ഗ്രൂപ്പുകളിലേക്ക് സ്വാഗതം Follow this link to join WhatsApp group
https://chat.whatsapp.com/J0k00badfi0JK1dmjkDcGj
Follow this link to join Telegram group
https://t.me/joinchat/20BbDWgnkcBmMWI0
