കാനഡയിലെ വിദ്യാര്‍ത്ഥികള്‍ ഉള്‍പ്പെടെയുള്ള ഇന്ത്യക്കാര്‍ക്ക് ആശങ്ക; രാജ്യത്ത് പുതിയ വിസ നിയമം പ്രാബല
കാനഡയിലെ വിദ്യാര്‍ത്ഥികള്‍ ഉള്‍പ്പെടെയുള്ള ഇന്ത്യക്കാര്‍ക്ക് ആശങ്ക; രാജ്യത്ത് പുതിയ വിസ നിയമം പ്രാബല്യത്തില്‍ വന്നു
ഒട്ടാവ: കുടിയേറ്റം നിയന്ത്രിക്കാനായി കാനഡ അടുത്തിടെ കൊണ്ടുവന്ന പുതിയ നടപടികള്‍ ഇന്ത്യക്കാർ ഉള്‍പ്പെടെയുള്ള ആയിരക്കണക്കിന് വിദേശികളെ ബാധിക്കുമെന്ന് റിപ്പോർട്ട്.
വിദേശ വിദ്യാർത്ഥികള്‍ക്കും തൊഴില്‍, താമസ വിസകള്‍ക്ക് അപേക്ഷിക്കുന്നവർക്കും പുതിയ തീരുമാനം തിരിച്ചടിയാണ്. ഫെബ്രുവരി ആദ്യം മുതല്‍ തന്നെ പുതിയ ചട്ടങ്ങള്‍ കാനഡയില്‍ പ്രാബല്യത്തില്‍ വന്നിട്ടുണ്ട്.
കാനേഡിയൻ ബോർഡർ ഉദ്യോഗസ്ഥർക്ക് കൂടുതല്‍ വിശാലമായ അധികാരമാണ് പുതിയ നിയമപ്രകാരം ലഭിച്ചിരിക്കുന്നത്. വിദേശ വിദ്യാർത്ഥികളുടെയും വിദേശ തൊഴിലാളികളുടെയും കുടിയേറ്റക്കാരുടെയും ഉള്‍പ്പെടെ എല്ലാവരുടെയും വിസകളിന്മേല്‍ സ്വതന്ത്രമായ തീരുമാനമെടുക്കാനും രേഖകള്‍ റദ്ദാക്കാനും ഉദ്യോഗസ്ഥർക്ക് അധികാരം ലഭിച്ചു. ഉദ്യോഗസ്ഥർക്ക് ഉചിതമെന്ന ബോധ്യപ്പെടുന്ന തീരുമാനം സ്വതന്ത്രമായി എടുത്ത് നടപ്പാക്കാൻ സാധിക്കുമെന്നതാണ് ഇപ്പോഴത്തെ നിയമത്തിന്റെ സവിശേഷത.
ഇലക്‌ട്രോണിക് ട്രാവല്‍ ഓതറൈസേഷനുകളും (ഇ.ടി.എ) താത്കാലിക റെസിഡന്റ് വിസകളും (ടിആർവി) ഉള്‍പ്പെടെയുള്ള രേഖകള്‍ തടയാനും റദ്ദാക്കാനും പുതിയ ഇമിഗ്രേഷൻ ആന്റ് റെഫ്യൂജി പ്രൊട്ടക്ഷൻ റെഗുലേഷൻസ് നിയമ പ്രകാരം കനേഡിയൻ ബോർഡർ ഉദ്യോഗസ്ഥർക്ക് അധികാരം ലഭിച്ചിട്ടുണ്ട്. ഇത് പ്രകാരം തൊഴില്‍ പെർമിറ്റുകളും വിദ്യാർത്ഥി വിസകളും റദ്ദാക്കാൻ ഉദ്യോഗസ്ഥർക്ക് ഇപ്പോള്‍ സാധിക്കും. എന്നാല്‍ ഇത്തരം നടപടികള്‍ സ്വീകരിക്കാൻ ഉദ്യോഗസ്ഥർക്ക് മുന്നില്‍ ചില നിബന്ധനകളും നിയമം ബാധകമാക്കുന്നു. വിസാ കാലാവധി പൂർത്തിയാകുമ്ബോള്‍ ഒരാള്‍ രാജ്യം വിട്ടുപോകാനുള്ള സാധ്യതയില്ലെന്ന് ഒരു ഉദ്യോഗസ്ഥന് ബോധ്യപ്പെട്ടാല്‍ രാജ്യത്തേക്കുള്ള പ്രവേശനം തടയാനോ അല്ലെങ്കില്‍ കാനഡയില്‍ താമസിച്ചുകൊണ്ടിരിക്കുമ്ബോള്‍ തന്നെ അനുമതി റദ്ദാക്കാനോ സാധിക്കും. ഇതിനൊക്കെയുള്ള വിവേചന അധികാരം ഉദ്യോഗസ്ഥർക്ക് തന്നെ നല്‍കുന്നുവെന്നതാണ് നിയമത്തിലെ പ്രധാന സവിശേഷത.
അതേസമയം പുതിയ നിയമം നടപ്പാക്കുന്ന കാര്യത്തില്‍ ഇപ്പോഴും അവ്യക്തത നിലനില്‍ക്കുന്നുണ്ട്. ആയിരക്കണക്കിന് വിദേശികളെ ബാധിക്കുന്നതിനൊപ്പം ഏറ്റവുമധികം ആഘാതമേല്‍പ്പിക്കുന്നത് കാനഡയിലെ ഏറ്റവും വലിയ വിദേശി സമൂഹമായ ഇന്ത്യക്കാരില്‍ തന്നെയായിരിക്കും. സർക്കാർ കണക്കുകള്‍ പ്രകാരം തന്നെ ഏതാണ്ട് 4.2 ലക്ഷത്തോളം ഇന്ത്യൻ വിദ്യാർത്ഥികള്‍ കാനഡയില്‍ ഇപ്പോള്‍ പഠനം നടത്തുന്നുണ്ട്. പുതിയ നിയമപ്രകാരം മതിയായ യാത്രാ യോഗ്യതയില്ലാതെ എത്തുന്നവരെയും സംശയിക്കപ്പെടുന്ന സാഹചര്യങ്ങളിലും രാജ്യത്തേക്കുള്ള പ്രവേശനം തന്നെ തടയപ്പെട്ട് മടങ്ങേണ്ടി വരുന്ന സ്ഥിതി ഉണ്ടാകുമോ എന്ന ആശങ്കയ്ക്ക് പുറമെ നിലവില്‍ കാനഡയില്‍ താമസിക്കുന്നവരെ രേഖകള്‍ റദ്ദാക്കി തിരിച്ചയക്കുമോ എന്നുള്ളത് ഉള്‍പ്പെടെയുള്ള മറ്റ് പ്രതിസന്ധികളും ഉടലെടുത്തിട്ടുണ്ട്. നിലവില്‍ കാനഡയില്‍ താമസിക്കുന്നതില്‍ നടപടി നേരിടുന്നവർക്ക് നോട്ടീസ് നല്‍കിയ ശേഷമായിരിക്കും തുടർ നടപടികളിലേക്ക് കടക്കുകയെന്നാണ് റിപ്പോർട്ട്.
പുതിയ നിബന്ധന പ്രകാരം വിസാ രേഖകളിന്മേല്‍ നടപടി നേരിടുന്നവർക്ക് ഇ-മെയിലായി അറിയിപ്പുകള്‍ ലഭിക്കും തങ്ങളുടെ ഐആർസിസി അക്കൗണ്ടിലും ഇക്കാര്യം അറിയിച്ചുകൊണ്ടുള്ള സന്ദേശമുണ്ടാകും. എന്നാല്‍ വിദ്യാർത്ഥികള്‍ ഉള്‍പ്പെടെയുള്ളവരുടെ ഫീസ്, വായ്പകള്‍, വാടക തുടങ്ങിയ ഇനങ്ങളില്‍ ചെലവഴിച്ചിട്ടുള്ള പണത്തെക്കുറിച്ച്‌ ഉള്‍പ്പെടെ വ്യക്തത വരേണ്ടതുണ്ട്. മൂന്ന് മാസം മുമ്ബാണ് കാനഡ സ്റ്റുഡന്റ് ഡയറക്‌ട് സ്ട്രീം വിസകള്‍ നിർത്തലാക്കിയിരുന്നു.
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ്,ടെലഗ്രാം ഗ്രൂപ്പുകളിലേക്ക് സ്വാഗതം Follow this link to join WhatsApp group
https://chat.whatsapp.com/J0k00badfi0JK1dmjkDcGj
Follow this link to join Telegram group
https://t.me/joinchat/20BbDWgnkcBmMWI0
