മലയാളികളുടെ മാറിയ ഭക്ഷണരീതികള്‍ ഉദരരോഗ അര്‍ബുദത്തിന്റെ വര്‍ദ്ധനവിന് കാരണമാകുന്നുണ്ടെന്ന് വിദഗ്ധ ഡോക്
മലയാളികളുടെ മാറിയ ഭക്ഷണരീതികള്‍ ഉദരരോഗ അര്‍ബുദത്തിന്റെ വര്‍ദ്ധനവിന് കാരണമാകുന്നുണ്ടെന്ന് വിദഗ്ധ ഡോക്ടറർമാർ
തിരുവനന്തപുരം: കേരളത്തിലെ ഉദരരോഗ സംബന്ധിയായ അർബുദത്തിന്റെ (Stomach Cancer) എണ്ണം കൂടി വരുന്നുണ്ടെന്നും, മലയാളികളുടെ മാറിയ ഭക്ഷണ രീതികള്‍ ഇതിന് കാരണമാകുന്നുവെന്നും വിദഗ്ധ ഡോക്ടറന്മാർ അഭിപ്രായപ്പെട്ടു.
ഈഞ്ചക്കല്‍ എസ് പി മെഡിഫോർട്ട് ആശുപത്രിയിലെ അത്യാധുനിക സെന്റർ ഫോർ ഗ്യാസ്ട്രോ സയൻസിന്റെ ഉദ്ഘാടനത്തോടനുബന്ധിച്ച്‌ ഞായറാഴ്ച സംഘടിപ്പിച്ച തുടർ മെഡിക്കല്‍ വിദ്യാഭ്യാസ (സിഎംഇ) പരിപാടിയായ "ജിഐ അപ്‌ഡേറ്റുകള്‍" എന്ന വിഷയങ്ങളില്‍ സംസാരിക്കുകയായിരുന്നു വിദഗ്ധ ഡോക്ടറന്മാർ. അമിതമായ മദ്യപാനവും പുകവലിയും കൂടുന്നത് സ്ഥിതി കൂടുതല്‍ വഷളാക്കുന്നതായും അവർ ആശങ്കകള്‍ പങ്ക് വെച്ചു.
എസ് പി മെഡിഫോർട്ട് ഹോസ്പിറ്റലില്‍ ആധുനിക സൗകര്യങ്ങളോടുകൂടി നിർമിച്ച പുതിയ ഗാസ്ട്രോഎൻട്രോളജി വിഭാഗത്തിന്റെ ഉദ്‌ഘാടനം പ്രമുഖ ഗ്യാസ്ട്രോഎൻട്രോളജിസ്റ്റായ പത്മശ്രീ ഡോ. ഫിലിപ്പ് അഗസ്റ്റിൻ നിർവഹിച്ചു. വർധിച്ചു വരുന്ന ഉദരരോഗങ്ങളെ ചെറുക്കുന്നതിന് കേരളീയർ ആരോഗ്യകരമായ ജീവിതശൈലികളും ശ്രദ്ധാപൂർവ്വമായ ഭക്ഷണശീലങ്ങളും സ്വീകരിക്കേണമെന്ന് പത്മശ്രീ ഡോ. ഫിലിപ്പ് അഗസ്റ്റിൻ പറഞ്ഞു.
പുതുതായി ആരംഭിച്ച സെന്റർ ഫോർ ഗ്യാസ്ട്രോ സയൻസസില്‍, എൻഡോസ്കോപ്പിക് സബ്മ്യൂക്കോസല്‍ റീസെക്ഷൻ (ഇഎസ്‌ആർ, എൻഡോസ്കോപ്പിക് മ്യൂക്കോസല്‍ ഡിസെക്ഷൻ (ഇഎംഡി) എന്നിവയുള്‍പ്പെടെയുള്ള നൂതന സാങ്കേതികവിദ്യകള്‍ സജ്ജീകരിച്ചിരിച്ചിട്ടുണ്ട്. പരമ്ബരാഗത ശസ്ത്രക്രിയയുടെ ആവശ്യമില്ലാതെ തന്നെ അർബുദ രോഗത്തെ ചികില്‍സിക്കാൻ കഴിയുന്ന അത്യാധുനിക സംവിധാനങ്ങളാണ് സെന്ററിന്റെ പ്രത്യേകത.
ഫാറ്റി ലിവർ രോഗം, ഗ്യാസ്ട്രോഇന്റസ്റ്റൈനല്‍ ക്യാൻസറുകളുടെ പ്രാരംഭ കണ്ടെത്തലും ചികിത്സയും, നൂതന എൻഡോസ്കോപ്പിക് നടപടിക്രമങ്ങള്‍, ഗ്യാസ്ട്രോഎൻട്രോളജിയില്‍ കൃത്രിമബുദ്ധിയുടെ വർദ്ധിച്ചുവരുന്ന പങ്ക് തുടങ്ങിയ വിഷയങ്ങള്‍ സെമിനാറില്‍ അവതരിപ്പിച്ചു.
ഡോ. ഫിലിപ്പ് ഉമ്മൻ, ഡോ. വിജയ് നാരായണൻ, ഡോ. പ്രശാന്ത്, ഡോ. ജയകുമാർ ഡി, ഡോ. തരുണ്‍ ടോം ഉമ്മൻ, ഡോ. ചന്ദ്രമോഹൻ കെ, ഡോ. ശ്രീജയ എസ്, ഡോ. ഹരിഗോവിന്ദ്, ഡോ. റോബി ദാസ്, ഡോ. ജിജോ വർഗീസ്, ഡോ. റിസ്വാൻ അഹമ്മദ്, ഡോ. കെ സുജേഷ് അഹമ്മദ്, ഡോ. റിസ്വാൻ അഹമ്മദ്, ഡോ.അനൂപ്, ഡോ. നിബിൻ നഹാസ്, ഡോ. രാജേഷ് എസ്, ഡോ. ബോബൻ തോമസ്, ഡോ. ജിനീഷ്, ഡോ. അജയ് ശശിധരൻ, ഡോ. നടാഷ കൃഷ്ണ, ഡോ. അഖില്‍ ബേബി, ഡോ. അജിത് തരകൻ എന്നിവർ സെമിനാറില്‍ വിവിധ പേപ്പറുകള്‍ അവതരിപ്പിച്ചു.
ഉദരരോഗങ്ങള്‍ വർധിച്ചു വരുന്ന സാഹചര്യത്തില്‍ എല്ലാവർക്കും പ്രാപ്യമായ ചികിത്സ സൗകര്യം ഒരുക്കുന്നതില്‍ എസ് പി മെഡിഫോർട്ട് പ്രതിജ്ഞാബദ്ധമാണെന്ന് ചെയർമാനും മാനേജിംഗ് ഡയറക്ടറുമായ എസ്പി അശോകനും ജോയിന്റ് ചെയർമാനും മാനേജിംഗ് ഡയറക്ടറുമായ എസ്പി സുബ്രഹ്മണ്യനും പറഞ്ഞു.
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ്,ടെലഗ്രാം ഗ്രൂപ്പുകളിലേക്ക് സ്വാഗതം Follow this link to join WhatsApp group
https://chat.whatsapp.com/J0k00badfi0JK1dmjkDcGj
Follow this link to join Telegram group
https://t.me/joinchat/20BbDWgnkcBmMWI0
