യുഎഇയില്‍ ചെറുവിമാനം തകര്‍ന്ന് ഇന്ത്യൻ ഡോക്‌ടറും വനിതാ പൈലറ്റും മരിച്ചു
യുഎഇയില്‍ ചെറുവിമാനം തകര്‍ന്ന് ഇന്ത്യൻ ഡോക്‌ടറും വനിതാ പൈലറ്റും മരിച്ചു
ദുബായ്: യുഎഇയില്‍ ചെറുവിമാനം തകർന്നുവീണ് വനിതാ പൈലറ്റും സഹയാത്രികനായിരുന്ന ഇന്ത്യൻ ഡോക്‌ടറും മരിച്ചു. ഷാർജയില്‍ ജനിച്ചു വളർന്ന ഡോ. സുലൈമാൻ അല്‍ മജീദ് (26), ജസീറ ഏവിയേഷൻ ക്ലബ്ബിന്‍റെ പാക്കിസ്ഥാൻകാരിയായ പൈലറ്റ് ഫ്രിയാൻസ പർവീണ്‍ (26) എന്നിവരാണു മരിച്ചത്. കഴിഞ്ഞ 26ന് നടന്ന സംഭവം ഞായറാഴ്ചയാണ് സിവില്‍ ഏവിയേഷൻ മന്ത്രാലയം പുറത്തുവിട്ടത്.
റാസല്‍ഖൈമയുടെ ആകാശക്കാഴ്ച കാണാൻ ചെറുവിമാനം വാടകയ്ക്കെടുത്തതായിരുന്നു ഡോ. സുലൈമാൻ. റാസല്‍ഖൈമ ബീച്ചിനോടു ചേർന്നുള്ള കോവ് റൊട്ടാന ഹോട്ടലിനു സമീപം ഉച്ചകഴിഞ്ഞ് രണ്ടിന് ടേക്ക് ഓഫ് ചെയ്തതിനു തൊട്ടുപിന്നാലെ വിമാനം കടലില്‍ തകർന്നുവീഴുകയായിരുന്നു.
ഈസമയം കുടുംബാംഗങ്ങളും ഏവിയേഷൻ ക്ലബ്ബില്‍ ഉണ്ടായിരുന്നു. റഡാറുമായി ബന്ധം നഷ്‌ടപ്പെട്ടശേഷം വിമാനം അടിയന്തര ലാൻഡിംഗ് നടത്തിയതായും ഗുരുതര പരിക്കേറ്റ ഇരുവരെയും ആശുപത്രിയിലേക്കു മാറ്റിയതായും കമ്ബനി കുടുംബത്തെ അറിയിച്ചു. കുടുംബാംഗങ്ങള്‍ ആശുപത്രിയില്‍ എത്തുമ്ബോഴേക്കും ഡോ. സുലൈമാൻ മരിച്ചിരുന്നു.
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ്,ടെലഗ്രാം ഗ്രൂപ്പുകളിലേക്ക് സ്വാഗതം Follow this link to join WhatsApp group
https://chat.whatsapp.com/J0k00badfi0JK1dmjkDcGj
Follow this link to join Telegram group
https://t.me/joinchat/20BbDWgnkcBmMWI0
