marianvibes

കത്തോലിക്ക മാധ്യമ പ്രവർത്തകനായിരുന്ന ഫാ. സേവ്യർ വടക്കേക്കര കപ്പൂച്ചിൻ (72) അന്തരിച്ചു. . 1981- 1983 കാലഘട്ടത്തിൽ അസ്സീസി മാസികയുടെ മാനേജിംഗ് എഡിറ്ററും, 1984-1986 വർഷങ്ങളിൽ ചീഫ് എഡിറ്ററും ആയിരുന്നു ഫാ. സേവ്യർ വടക്കേക്കര.

ഡൽഹിയിൽ നിന്നും പ്രസിദ്ധീകരിച്ചിരുന്ന ഇൻഡ്യൻ കറന്റസ് ഏറ്റെടുത്ത് വിജയത്തിലെത്തിച്ചു. ജീവൻ ബുക്സ്(ഭരണങ്ങാനം), മീഡിയ ഹൗസ് (ഡൽഹി, കോഴിക്കോട്) എന്നിവയുടെ സ്ഥാപകനാണ്. കഴിഞ്ഞ കുറെ നാളുകളായി കാഴ്ചക്കുറവ് ബാധിച്ചിരുന്ന അദ്ദേഹം തന്റെ കുറവിനെ അതിജീവിച്ചു കൊണ്ടായിരുന്നു നിർഭയമായി മാധ്യമ പ്രവർത്തനം നടത്തിയത്.

മാർച്ച് 18-ാം തീയതി യു. പി ദാസ്ന, മസൂരിയിലെ ക്രിസ്തുരാജ ദൈവാലയത്തിൽ നടത്തുന്ന, മൃതസംസ്കാര ശുശ്രൂഷയുടെ പ്രാർഥനകൾക്കു ശേഷം, അദ്ദേഹത്തിന്റെ ആഗ്രഹപ്രകാരം, മെഡിക്കൽ വിദ്യാർഥികളുടെ ഗവേഷണ പഠനത്തിനായി മൃതദേഹം ഓൾ ഇന്ത്യ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസിന് (All India Institute of Medical Sciences -AIIMS) കൈമാറുന്നതായിരിക്കും.

ക്രൈസ്തവ ലോകത്തെ പുതുപുത്തൻ വാർത്തകളും വിശേഷങ്ങളും അറിയുവാൻ മരിയൻ വൈബ്സ് ന്യൂസ് പോർട്ടലിന്റെ ഏറ്റവും പുതിയ വാട്സ്ആപ്പ് ചാനൽ സബ്സ്ക്രൈബ് ചെയ്യുക....

????????????????????????????????????????????????
https://whatsapp.com/channel/0029VaELOKJId7nMsgAl330m