marianvibes

ഫാ. അനു സി., നെയ്യാറ്റിൻകര രൂപത

'അല്ലേലൂയാ' ആലപിക്കണം. റോമൻ ദിവ്യപൂജ ഗ്രന്ഥത്തിൽ 'അല്ലേലൂയാ' ആലപിക്കുന്നതുമായി ബന്ധപ്പെട്ട് നല്കിയിരിക്കുന്ന നിർദേശങ്ങൾ ഇങ്ങനെയാണ്:

നം. 62.a) തപസ്സുകാലം ഒഴികെ മറ്റുകാലങ്ങളിൽ 'അല്ലേലൂയാ' ആലപിക്കപ്പെടുന്നു. 'അല്ലേലൂയാ' വാക്യങ്ങൾ വേദപാഠകത്തിൽനിന്നോ ധ്യാനഗീതയിൽനിന്നോ എടുക്കാം.

b) തപസ്സുകാലത്തിൽ 'അല്ലേലൂയാ'യുടെ സ്ഥാനത്ത് വേദപാഠകത്തിൽ സൂചിപ്പിച്ചിരിക്കുന്നപോലെ സുവിശേഷത്തിനുമുമ്പായി ഒരു വാക്യം ആലപിക്കുന്നു.

'അല്ലേലൂയാ' ആലപിക്കുന്നതുസംബന്ധിച്ച് മൃതസംസ്കാരകർമ ഗ്രന്ഥത്തിൽ നല്കിയിരിക്കുന്ന നിർദേശം ഇങ്ങനെയാണ്:

no. 22) ദൈവവചനപ്രഘോഷണകർമം കൂടുതൽ ആഘോഷപൂർവകമാക്കുന്നതിന് ധ്യാനഗീതികളിലെ (Graduale Romanum, Graduale Simplex) സങ്കീർത്തനങ്ങൾ ആലപിക്കാം.

no. 23) ലഘു ധ്യാനഗീതിയാണ് ഉപയോഗിക്കുന്നതെങ്കിൽ പാലനാത്മകമായ കാരണങ്ങളാൽ, 'അല്ലേലൂയാ' ഉപേക്ഷിക്കാം.

ശ്രദ്ധിക്കുക: നമ്മുടെ നാട്ടിൽ ഒരു ദിവ്യബലിയിലും ആരാധനക്രമം നിർദേശിച്ചിരിക്കുന്ന ഈ ധ്യാനഗീതികൾ ഉപയോഗിക്കുന്നില്ല. അതുകൊണ്ടുതന്നെ, 'അല്ലേലൂയാ' ഉപേക്ഷിക്കേണ്ട ആവശ്യമില്ല. മാത്രമല്ല, മൃതസംസ്കാരകർമ ഗ്രന്ഥത്തിൽ മൃതസംസ്കാര ദിവ്യപൂജകളിലും പരേതാനുസ്മരണ ദിവ്യപൂജകളിലും ഉപയോഗിക്കാനുള്ള വായനകളുടെ അവസാനം 'അല്ലേലൂയാ'യും തുടർന്നുള്ള വാക്യങ്ങളും നല്കിയിട്ടുണ്ട് (nn. 99-108). അതിന്റെ അർഥം 'അല്ലേലൂയ' ആലപിക്കണം എന്നുതന്നെയാണ്.

ക്രൈസ്തവ ലോകത്തെ പുതുപുത്തൻ വാർത്തകളും വിശേഷങ്ങളും അറിയുവാൻ മരിയൻ വൈബ്സ് ന്യൂസ് പോർട്ടലിന്റെ ഏറ്റവും പുതിയ വാട്സ്ആപ്പ് ചാനൽ സബ്സ്ക്രൈബ് ചെയ്യുക....

????????????????????????????????????????????????
https://whatsapp.com/channel/0029VaELOKJId7nMsgAl330m