സുപ്രീംകോടതി ജഡ്ജിമാരുടെ സംഘം മണിപ്പൂരിലേക്ക്

ന്യൂ ഡല്‍ഹി: സുപ്രീം കോടതിയിലെ ആറ് ജഡ്ജിമാരടങ്ങുന്ന സംഘം കലാപബാധിത സംസ്ഥാനമായ മണിപ്പൂര്‍ സന്ദര്‍ശിക്കും. മാര്‍ച്ച്‌ 22 ശനിയാഴ്ചയാണ് സന്ദര്‍ശനം.

ജസ്റ്റിസ് ബി ആര്‍ ഗവായിയുടെ നേതൃത്വത്തിലുള്ള സംഘമാണ് മണിപ്പൂരിലേക്ക് പോവുക. ജസ്റ്റിസുമാരായ സൂര്യകാന്ത്, വിക്രം നാഥ്, എം എം സുന്ദരേഷ്, എന്‍ കെ സിങ് എന്നിവരാണ് സംഘത്തിലെ മറ്റുള്ളവര്‍. കലാപബാധിതര്‍ക്ക് നിയമസഹായവും മാനുഷിക സഹായവും ലഭ്യമാക്കുന്നതിനെ സംബന്ധിച്ചുള്ള ചര്‍ച്ചയും സംഘം നടത്തും. സംഘത്തിലെ അംഗമായ ജസ്റ്റിസ് എന്‍ കെ സിങ് മണിപ്പൂര്‍ സ്വദേശിയാണ്. അദ്ദേഹം മണിപ്പുര്‍ ഹൈക്കോടതിയിലെ ജഡ്ജിയും സംസ്ഥാനത്തിന്റെ അഡ്വക്കേറ്റ് ജനറലുമായിരുന്നു.

മണിപ്പുര്‍ കലാപവുമായി ബന്ധപ്പെട്ട് വിവിധ കേസുകള്‍ നിലവില്‍ സുപ്രിം കോടതിയുടെ പരിഗണനയിലുണ്ട്. നേരത്തെ കലാപത്തെ കുറിച്ച്‌ അന്വേഷിക്കാന്‍ മൂന്ന് വനിതാ ജഡ്ജിമാര്‍ അടങ്ങുന്ന സമിതിക്ക് സുപ്രീം കോടതി രൂപം നല്‍കിയിരുന്നു. ജമ്മു കാശ്മീര്‍ ഹൈക്കോടതി മുന്‍ ചീഫ് ജസ്റ്റിസ് ജസ്റ്റിസ് ഗീത മിത്തലിന്റെ നേതൃത്ത്വത്തിലുള്ള സമിതിയില്‍ ജസ്റ്റിസ് ശാലിനി ജോഷി, ജസ്റ്റിസ് ആശാ മേനോന്‍ എന്നിവരായിരുന്നു അംഗങ്ങള്‍.

ക്രൈസ്തവ ലോകത്തെ പുതുപുത്തൻ വാർത്തകളും വിശേഷങ്ങളും അറിയുവാൻ മരിയൻ വൈബ്സ് ന്യൂസ് പോർട്ടലിന്റെ ഏറ്റവും പുതിയ വാട്സ്ആപ്പ് ചാനൽ സബ്സ്ക്രൈബ് ചെയ്യുക....

????????????????????????????????????????????????
https://whatsapp.com/channel/0029VaELOKJId7nMsgAl330m