ട്രെയിൻ യാത്ര ഇന്ത്യയില്‍ ഏറ്റവും ജനപ്രിയമായ ഗതാഗത മാർഗങ്ങളിലൊന്നാണ്. 7500 സ്റ്റേഷനുകളിലൂടെ കടന്നുപോകുന്ന 65,000 കിലോമീറ്റർ ദൈർഘ്യമുള്ള ഇന്ത്യൻ റെയില്‍വേ ഏഷ്യയിലെ ഏറ്റവും വലിയ റെയില്‍ ശൃംഖലയാണ്, പ്രതിദിനം രണ്ട് കോടിയിലധികം പേർ യാത്ര ചെയ്യുന്നുവെന്നാണ് കണക്ക്.
എന്നിരുന്നാലും, യാത്രയില്‍ പലരും നിരവധി പ്രശ്നങ്ങള്‍ നേരിടേണ്ടിവരുന്നു.
എറണാകുളം- പട്ന എക്‌സ്പ്രസില്‍ ടിക്കറ്റ് ചോദിച്ചതിന് ടിടിഇ വിനോദിനെ ട്രെയിനില്‍ നിന്നും തള്ളിയിട്ട് കൊന്ന ദാരുണ സംഭവം വലിയ ഞെട്ടലുണ്ടാക്കിയിരിക്കുകയാണ്. റെയില്‍വേ ജീവനക്കാർ മാത്രമല്ല, യാത്രക്കാരും ഇത്തരത്തില്‍ അക്രമിക്കപ്പെടുകയോ മറ്റോ ചെയ്യാറുണ്ട്. യാത്ര സുഖകരവും സുരക്ഷിതവുമാക്കാൻ ചില മുൻകരുതലുകള്‍ സ്വീകരിക്കുന്നത് നല്ലതാണ്.
ട്രെയിൻ യാത്ര ആരംഭിക്കുന്നതിന് മുമ്ബ്:
* യാത്രയ്ക്ക് മുമ്ബ് ടിക്കറ്റ് കൃത്യമായി പരിശോധിക്കുക. ട്രെയിൻ നമ്ബർ, യാത്ര തീയതി, കോച്ച്‌ ലൊക്കേഷൻ എന്നിവ മനസിലാക്കി വെക്കുക.
* യാത്രയ്ക്കിടയില്‍ അമിതഭാരമുള്ള ലഗേജുകള്‍ പാക്ക് ചെയ്യരുത്. ഇത് ഉയർത്തുന്നതിനും കയറ്റുന്നതിനും ബുദ്ധിമുട്ട് ഉണ്ടാക്കിയേക്കാം. ആവശ്യമുള്ള സാധനങ്ങള്‍ മാത്രം പായ്ക്ക് ചെയ്യുക. യാത്രയില്‍ വേണ്ടുന്ന വസ്ത്രങ്ങള്‍, മരുന്നുകള്‍, ഭക്ഷണം, വെള്ളം എന്നിവ കരുതുക.
* സുരക്ഷാ മാനദണ്ഡങ്ങള്‍ മനസില്‍ വെച്ചുകൊണ്ട് നിങ്ങളുടെ യാത്രാ റൂട്ട് ആസൂത്രണം ചെയ്യുക.
ട്രെയിനുകള്‍ മാറി മാറി കയറേണ്ടി വരുന്നത് കഴിയുന്നത്ര ഒഴിവാക്കുക.
* നിങ്ങള്‍ ഇറങ്ങാൻ പോകുന്ന റെയില്‍വേ സ്റ്റേഷൻ്റെ ചുറ്റുപാടുകളെക്കുറിച്ച്‌ അറിഞ്ഞിരിക്കുക.
* നിങ്ങള്‍ ദീർഘമായ യാത്രയാണ് പോകുന്നതെങ്കില്‍, ലഗേജില്‍ ചെയിൻ ലോക്കുകള്‍ സൂക്ഷിക്കുക. നിങ്ങള്‍ക്ക് ഒരു ചെറിയ ബാഗും വാങ്ങാം, അതില്‍ പണവും ടിക്കറ്റുകളും നിങ്ങളുടെ ക്രെഡിറ്റ് കാർഡും സൂക്ഷിക്കാം.
* റെയില്‍വേ യാത്രക്കാരുടെ സുരക്ഷയ്ക്കായി സർക്കാർ പതിവായി മാർഗനിർദേശങ്ങള്‍ പുറപ്പെടുവിക്കുന്നു. അതും നിങ്ങള്‍ ശ്രദ്ധിക്കണം.
റെയില്‍വേ സ്റ്റേഷനില്‍
* ബ്രോക്കർമാർ മുതല്‍ കള്ളന്മാർ വരെ എല്ലാത്തരം ആളുകളെയും ഇവിടെ കണ്ടുമുട്ടുന്നു. യാത്രക്കാരെ കൊള്ളയടിക്കാൻ തട്ടിപ്പുകാർ സദാ നിരീക്ഷണത്തിലാണ്. അതിനാല്‍, നിങ്ങളുടെ സാധനങ്ങളും പണവും നിങ്ങള്‍ ശ്രദ്ധിക്കണം.
* ആഭരണങ്ങള്‍, പണം, ഡോക്യുമെന്റുകള്‍ തുടങ്ങിയ വസ്തുക്കള്‍ സുരക്ഷിതമായ ബാഗില്‍ സൂക്ഷിക്കുക.
* എന്തെങ്കിലും കാരണത്താല്‍ നിങ്ങള്‍ ദീർഘനേരം സ്റ്റേഷനില്‍ തങ്ങുകയാണെങ്കില്‍, ലഗേജിനും കുടുംബത്തിനും സുരക്ഷിതമായിരിക്കാൻ കഴിയുന്ന ഒരു സ്ഥലം കണ്ടെത്തുക.
* പ്ലാറ്റ്‌ഫോമില്‍ സമയാസമയങ്ങളില്‍ നടത്തുന്ന അറിയിപ്പുകള്‍ ശ്രദ്ധിക്കുക, കാരണം അവസാന നിമിഷം പോലും നിങ്ങളുടെ ട്രെയിൻ റദ്ദാക്കുകയോ വൈകുകയോ ചെയ്യാം.
ട്രെയിനിനുള്ളില്‍
* യാത്രയില്‍ ലഗേജുകളുടെ സുരക്ഷ വളരെ പ്രധാനമാണ്. ഇതിനായി, നിങ്ങളുടെ ലഗേജ് നിങ്ങളുടെ സീറ്റിനടിയില്‍ ഒരു ചെയിൻ കൊണ്ട് ബന്ധിപ്പിച്ച്‌ സൂക്ഷിക്കേണ്ടത് പ്രധാനമാണ്.
* അജ്ഞാതനായ ഒരാളില്‍ നിന്നും ഭക്ഷണപാനീയങ്ങള്‍ സ്വീകരിക്കരുത്. വെള്ളത്തിനായി കുപ്പികള്‍ ഉപയോഗിക്കാം.
* നിങ്ങള്‍ ട്രെയിനില്‍ ഉറങ്ങുകയാണെങ്കില്‍, നിങ്ങളുടെ ലഗേജ് ശരിയായ സ്ഥലത്ത് പൂട്ടിയിട്ടുണ്ടോ ഇല്ലയോ എന്ന് ശ്രദ്ധിക്കുക.
* നിങ്ങള്‍ ഒറ്റയ്ക്കാണ് യാത്ര ചെയ്യുന്നതെങ്കില്‍, നിങ്ങളുടെ മുൻഗണന താഴത്തെ ബെർത്ത് ആയിരിക്കണം, അതിനാല്‍ നിങ്ങള്‍ക്ക് ഒരു വിൻഡോ സീറ്റ് ലഭിക്കും, മാത്രമല്ല നിങ്ങളെ പലരും ശല്യപ്പെടുത്താതിരിക്കുകയും ചെയ്യും.
* സഹയാത്രികരെ നിരീക്ഷിക്കുക. സംശയാസ്പദമായ എന്തെങ്കിലും കണ്ടാല്‍ ടിടിഇ (TTE – Train Ticket Examiner) യെ അറിയിക്കുക.
* പുറത്തുനിന്നും വാങ്ങുന്ന ഭക്ഷണം കഴിക്കുന്നതിനുമുമ്ബ് നന്നായി പരിശോധിക്കുക. യാത്രയില്‍ വീട്ടില്‍ നിന്ന് പാകം ചെയ്ത ഭക്ഷണം കരുതുന്നതും നല്ലതാണ്.
* സ്റ്റേഷനില്‍ ഇറങ്ങുമ്ബോഴും ലഗേജുകള്‍ മറക്കാതെ കൊണ്ടുപോകുക.
* ട്രെയിനില്‍ യാത്രക്കാർക്കായി ഹെല്‍പ് ലൈൻ നമ്ബറുകള്‍ പ്രദർശിപ്പിച്ചിട്ടുണ്ട്. ഏതെങ്കിലും പ്രശ്നങ്ങളുണ്ടായാല്‍ ഈ നമ്ബറുകളില്‍ വിളിക്കുക.
* ട്രെയിനില്‍ തീപ്പിടിത്തം പോലുള്ള അടിയന്തര സാഹചര്യങ്ങളില്‍ ഭയപ്പെടാതെ ശാന്തത പാലിക്കുക. എമർജൻസി വിൻഡോ (Emergency Window) ഉപയോഗിച്ച്‌ പുറത്തുകടക്കുകയോ ടിടിഇയുടെ നിർദേശങ്ങള്‍ അനുസരിക്കുകയോ ചെയ്യുക.
* യാത്രയില്‍ അമിത ആഭരണങ്ങള്‍ ധരിക്കുന്നത് ഒഴിവാക്കുക. ആവശ്യമുള്ള ആഭരണങ്ങള്‍ മാത്രം ധരിക്കുക.
* ഒറ്റയ്ക്കുള്ള യാത്രയില്‍ കൂടുതല്‍ ജാഗ്രത വേണം. പരിചയമില്ലാത്ത സ്ഥലങ്ങളില്‍ ഇറങ്ങാതിരിക്കുക.
* പരിചയമില്ലാത്തവരില്‍ നിന്ന് ഭക്ഷണമോ പാനീയമോ വാങ്ങരുത്. ഇവയില്‍ ലഹരിമരുന്ന് ചേർത്തിരിക്കാനുള്ള സാധ്യതയുണ്ട്.
* സഹയാത്രികരോട് പോലും പ്രധാന വിവരങ്ങള്‍ (വീട്ടിലെ വിവരങ്ങള്‍, ബാങ്ക്‌ വിവരങ്ങള്‍ പോലുള്ളവ) പങ്കുവെക്കാതിരിക്കുന്നതാണ് നല്ലത്.
* യാത്രയില്‍ സഹായകമായ റെയില്‍വേയുടെ ആപുകള്‍ ഇൻസ്റ്റാള്‍ ചെയ്യുന്നത് പരിഗണിക്കുക.
* മൊബൈല്‍ ചാർജ്ജറുകള്‍, പവർ ബാങ്കുകള്‍ പോലുള്ള വൈദ്യുതി ഉപകരണങ്ങള്‍ ഉപയോഗിക്കുമ്ബോള്‍ റെയില്‍വേയുടെ നിബന്ധനകള്‍ പാലിക്കുക. തീ പിടുത്തം തടയാൻ പകല്‍ സമയത്ത് മാത്രം ചാർജ് ചെയ്യുന്നതാണ് നല്ലത്.
* അതിക്രമം ഉണ്ടായാല്‍ ഉച്ചത്തില്‍ വിളിച്ചോ പരമാവധി ശബ്ദം ഉണ്ടാക്കിയോ സഹായം തേടുക.
* കുട്ടികളോടൊപ്പം യാത്ര ചെയ്യുമ്ബോള്‍ പ്രത്യേക ശ്രദ്ധ നല്‍കണം. തല ട്രെയിനിന് പുറത്തേക്കിടാതിരിക്കാനും വാതില്‍ക്കല്‍ കളിക്കാതിരിക്കാനും നിരന്തരം ഓർമ്മിപ്പിക്കുക.
* ടോയ്ലറ്റ് (Toilet) ഉപയോഗത്തിന് കുട്ടികളെ സഹായിക്കുക. റെയില്‍വേ സ്റ്റേഷനുകളിലും ട്രെയിനുകളിലും ഉള്ള തിരക്ക് കൂടിയ സ്ഥലങ്ങളില്‍ കുട്ടികളുടെ കൈ വിടരുത്.
* നീങ്ങിക്കൊണ്ടിരിക്കുന്ന ട്രെയിനില്‍ ഓടിക്കയറുന്നതിനിടെ ട്രെയിനിനും പ്ലാറ്റ് ഫോമിനും ഇടയില്‍ പെട്ട് പാളത്തിലേക്ക് വീണ് അപകടത്തില്‍ പെടുന്നവർ ഏറെയാണ്. യാത്രയ്ക്കിടയില്‍ സ്റ്റേഷനുകളില്‍ പുറത്തേക്കിറങ്ങുകയും ട്രെയിൻ പുറപ്പെടുമ്ബോള്‍ വീണ്ടും കയറുകയും ചെയ്യുന്ന ശീലം പലർക്കുമുണ്ട്. അത് നല്ലതല്ല.
രാത്രി യാത്രയില്‍
* രാത്രി യാത്രയില്‍ കമ്ബാർട്ട്മെന്റ് വാതില്‍ പൂട്ടി സുരക്ഷിതമാക്കുക.
* രാത്രിയില്‍ അപരിചിതരുമായി അനാവശ്യമായി ഇടപെടാതിരിക്കുക.
ട്രെയിൻ യാത്ര സുരക്ഷിതമാക്കാൻ റെയില്‍വേ പൊലീസും നിരന്തര പരിശ്രമം നടത്തുന്നുണ്ട്. യാത്രക്കാരുടെ സഹകരണവും ജാഗ്രതയും കൂടി ഉണ്ടാകുമ്ബോള്‍ ട്രെയിൻ യാത്ര കൂടുതല്‍ സുരക്ഷിതവും സുഖകരവുമാകും
ക്രൈസ്തവ ലോകത്തെ പുതുപുത്തൻ വാർത്തകളും വിശേഷങ്ങളും അറിയുവാൻ മരിയൻ വൈബ്സ് ന്യൂസ് പോർട്ടലിന്റെ ഏറ്റവും പുതിയ വാട്സ്ആപ്പ് ചാനൽ സബ്സ്ക്രൈബ് ചെയ്യുക….
👇🏻👇🏻👇🏻👇🏻👇🏻👇🏻
https://whatsapp.com/channel/0029VaELOKJId7nMsgAl330m
