കോതമംഗലം: ഷെവലിയർ ഇലഞ്ഞിക്കൽ തര്യത് കുഞ്ഞിത്തൊമ്മന്റെ 66-ാം ചരമവാർഷികദിനത്തോടനുബന്ധിച്ച് കത്തോലിക്ക കോണ്ഗ്രസ് കോതമംഗലം രൂപത സമിതിയുടെ ആഭിമുഖ്യത്തിൽ അനുസ്മരണ യോഗം സംഘടിപ്പിച്ചു.
ഇതിന്റെ ഭാഗമായി ഇന്ന് (8-10-2021)11 മണിക്ക് കോതമംഗലം കത്തീഡ്രൽ ദേവാലയത്തിൽ വിശുദ്ധ കുർബാനയും പ്രാർഥനാശുശ്രൂഷകളും നടന്നു. തുടർന്ന് വൈകുന്നേരം ആറിന് ബിഷപ് മാർ ജോർജ് മഠത്തിക്കണ്ടത്തിലിന്റെ അധ്യക്ഷതയിൽ ഓണ്ലൈനായി ചേരുന്ന അനുസ്മരണയോഗം ചങ്ങനാശേരി ആർച്ച് ബിഷപ് മാർ ജോസഫ് പെരുന്തോട്ടം ഉദ്ഘാടനം ചെയ്യും.
പാലാ രൂപതാധ്യക്ഷൻ മാർ ജോസഫ് കല്ലറങ്ങാട്ട് മുഖ്യപ്രഭാഷണവും കത്തോലിക്കാ കോണ്ഗ്രസ് ബിഷപ്പ് ലെഗേറ്റ് മാർ റെമിജിയോസ് ഇഞ്ചനാനിയിൽ അനുഗ്രഹ പ്രഭാഷണവും നടത്തും.
വിദ്യാഭ്യാസ സ്ഥാപനങ്ങൾ ഏറ്റെടുക്കുന്നതിനുള്ള 1945-ലെ സർ സിപിയുടെ നീക്കങ്ങൾക്കെതിരേ ഇടയലേഖനം എഴുതിയ മുൻ ചങ്ങനാശേരി ബിഷപ് മാർ ജെയിംസ് കാളാശേരിയെ അറസ്റ്റ് ചെയ്യാനുള്ള നടപടികൾക്കെതിരെ പ്രക്ഷോഭം നയിച്ച കത്തോലിക്ക കോണ്ഗ്രസ് പ്രസിഡന്റായിരുന്ന ഇലഞ്ഞിക്കൽ തര്യത് കുഞ്ഞിത്തൊമ്മൻ അറസ്റ്റ് ചെയ്യപ്പെട്ടതിന്റെ 75-ാം വാർഷികം കൂടി പ്രമാണിച്ചാണ് അനുസ്മരണ പരിപാടികൾ സംഘടിപ്പിച്ചിരിക്കുന്നത്.
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ് ഗ്രൂപ്പുകളിലേക്ക് സ്വാഗതം
Follow this link to join our WhatsAppgroup
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി ടെലഗ്രാം ഗ്രൂപ്പിലേക്ക് സ്വാഗതം
Follow this link to join our Telegram group