ഡോ. തോമസ് ജെ. നെറ്റോ തിരുവനന്തപുരം ലത്തീൻ അതിരൂപത ആർച്ച് ബിഷപ്പായി നാളെ അഭിഷിക്തനാകും.
ഇതിനുള്ള ഒരുക്കങ്ങൾ പൂർത്തിയായതായി സഹായ മെത്രാൻ ഡോ.ആർ. ക്രിസ്തുദാസും ജനറൽ കണ്‍വീനർ മോണ്. സി. ജോസഫും അറിയിച്ചു.വെട്ടുകാട് പള്ളിക്കു സമീപമുള്ള ചെറുവെട്ടുകാട് സെന്‍റ് സെബാസ്റ്റ്യൻ ഗ്രൗണ്ടിൽ വൈകുന്നേരം 4.45ന് പ്രദക്ഷിണം ആരംഭിക്കും.
അഞ്ചിന് മെത്രാഭിഷേക കർമ്മങ്ങൾക്കു തുടക്കമാകും. ആർച്ച് ബിഷപ് ഡോ.എം. സൂസ പാക്യം മുഖ്യകാർമികത്വം വഹിക്കും. മലങ്കര കത്തോലിക്കാ സഭാ മേജർ ആർച്ച് ബിഷപ് കർദിനാൾ മാർ ബസേലിയോസ് ക്ലീമിസ് കാതോലിക്കാ ബാവ സുവിശേഷ പ്രഘോഷണം നടത്തും.
ചങ്ങനാശേരി ആർച്ച് ബിഷപ് മാർ ജോസഫ് പെരുന്തോട്ടം, വരാപ്പുഴ ആർച്ച് ബിഷപ് ഡോ. ജോസഫ് കളത്തിപ്പറമ്പിൽ, നെയ്യാറ്റിൻകര ബിഷപ് ഡോ. വിൻസന്‍റ് സാമുവൽ, കോട്ടയം ആർച്ച് ബിഷപ് മാർ മാത്യു മൂലക്കാട്ട്, കൊച്ചി ബിഷപ് ഡോ. ജോസഫ് കരിയിൽ, ആലപ്പുഴ ബിഷപ് ഡോ. സ്റ്റീഫൻ അത്തിപ്പൊഴിയിൽ, വിജയപുരം ബിഷപ് ഡോ. സെബാസ്റ്റ്യൻ തെക്കത്തേച്ചേരിൽ, കൊല്ലം ബിഷപ് ഡോ. പോൾ ആന്‍റണി മുല്ലശേരി, കോട്ടാർ ബിഷപ് ഡോ. നസ്രൈൻ സൂസെ തുടങ്ങിയ 20 ൽ അധികം ബിഷപ്പുമാർ സഹ കാർമികരായിരിക്കും.
മാർപാപ്പയുടെ ഇന്ത്യൻ പ്രതിനിധി ആർച്ച് ബിഷപ് ലിയോബോൾഡ് ജിറേലി പങ്കെടുക്കും.
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ് ഗ്രൂപ്പുകളിലേക്ക് സ്വാഗതം
Follow this link to join our WhatsAppgroup
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി ടെലഗ്രാം ഗ്രൂപ്പിലേക്ക് സ്വാഗതം
Follow this link to join our Telegram group
