കോട്ടയം :നീതിനിഷേധത്തിനും വിഭാഗീയ പ്രവർത്തനങ്ങൾക്കുമെതിരേ പ്രതികരിക്കേണ്ടത് ക്രൈസ്തവ ധർമമാണെന്ന് ചങ്ങനാശേരി അതിരൂപത സഹായ മെത്രാൻ മാർ തോമസ് തറയിൽ. കത്തോലിക്കാ കോൺഗ്രസ് ചങ്ങനാശേരി അതിരൂപതാ സമിതിയുടെ നേതൃത്വത്തിൽ സംഘടിപ്പിച്ച അല്മായ നേതൃസംഗമം ഉദ്ഘാടനം ചെയ്യുകയായിരുന്നു അദ്ദേഹം.
സ്വന്തം വിശ്വാസ സമൂഹത്തോട് വിശുദ്ധ കുർബാന മധ്യേ ബോധവത്കരണത്തിന്റെ ഭാഗമായി നടത്തുന്ന പ്രസംഗങ്ങൾ പോലും തെറ്റായ രീതിയിൽ അടർത്തി മാറ്റി വികലമായി ചിത്രീകരിക്കപ്പെടുന്നുവെന്നും, രാഷ്ട്രീയ, മാധ്യമ, ആത്മീയ രംഗത്ത് പ്രവർത്തിക്കുന്നവർ ഒറ്റക്കെട്ടായി ലഹരി ഉൾപ്പെടെയുള്ള സാമൂഹിക വിപത്തിനെതിരേ പോരാടേണ്ട സമയം അതിക്രമിച്ചിരിക്കുന്നുവെന്നും അദ്ദേഹം പറഞ്ഞു .
സമൂഹത്തിന് വിശ്വാസപരമായ ബോധ്യങ്ങൾ നൽകുന്നതിനൊപ്പം ഭൗതിക ജീവിതത്തിൽ കൃത്യമായ ഇടപെടലുകൾ നടത്താൻ സഭ എന്നും ശ്രദ്ധിച്ചിട്ടുണ്ടെന്നു ചടങ്ങിൽ മുഖ്യപ്രഭാഷണം നടത്തിയ വികാരി ജനറാൾ മോൺ. ജോസഫ് വാണിയപ്പുരക്കൽ അഭിപ്രായപ്പെട്ടു ..
കാർഷിക സർവകലാശാല റിട്ട. എൻജിനിയർ ചാക്കോച്ചൻ മണലേൽ, അഡ്വ. ജോസി കുര്യൻ തുടങ്ങിയവർ വിവിധ വിഷയങ്ങളിൽ ക്ലാസുകൾ നയിച്ചു.
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ് ഗ്രൂപ്പുകളിലേക്ക് സ്വാഗതം
Follow this link to join our WhatsAppgroup
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി ടെലഗ്രാം ഗ്രൂപ്പിലേക്ക് സ്വാഗതം
Follow this link to join our Telegram group