പാലാ: കുടുംബങ്ങളിൽ സഭയുടെ പ്രേഷിത ദൗത്യം പ്രകാശിതമാകണമെന്ന് മാർ ജോസഫ് പെരുന്തോട്ടം. ചെറുപുഷ്പ മിഷൻലീഗ് പ്ലാറ്റിനം ജൂബിലി വിളംബരം ഉദ്ഘാടനം ചെയ്യുകയായിരുന്നു അദ്ദേഹം. കാലഘട്ടത്തിന്റെ പ്രത്യേകതകൾ മനസ്സിലാക്കി പൂർവ പിതാക്കൻമാർ വിഭാവനം ചെയ്ത മാർഗത്തിലൂടെ മിഷൻ ലീഗിന്റെ പ്രവർത്തനങ്ങൾ ഊർജിതമാക്കണമെന്നും ബിഷപ് പറഞ്ഞു.
ജൂബിലി വർഷത്തോടനുബന്ധിച്ച് നടത്തുന്ന 75 ലക്ഷം സുകൃതജപ പ്രഖ്യാപനം വിജയപുരം രൂപതാ വികാരി ജനറാൾ മോൺ. ജസ്റ്റിൻ മഠത്തിപറമ്പിൽ നിർവഹിച്ചു. രൂപതകൾക്കുള്ള ജൂബിലി ദീപം, ബാനർ എന്നിവ രൂപതാ പ്രസിഡന്റുമാർക്കു കൈമാറി. പാലാ രൂപതാ പ്രസിസന്റ് ജസ്റ്റിൻ വയലിൽ മാർഗരേഖ ഏറ്റുവാങ്ങി.
സംസ്ഥാന ഡയറക്ടർ ഫാ. ഷിജു ഐക്കരക്കാനായിൽ, ദേശീയ പ്രസിഡന്റ് ബിനോയ് പള്ളിപറമ്പിൽ, രാജ്യാന്തര പ്രതിനിധി ഡേവിസ് വല്ലൂരാൻ, അരുൺ ജോസ്, ഫാ. മാത്യു സുഭാഷ് വ്യാക്കുഴ, ഫാ. ജോസഫ് പുരയിടത്തിൽ മാട്ടേൽ, ജിന്റെ തകിടിയേൽ എന്നിവർ പ്രസംഗിച്ചു. കേരള സംസ്ഥാന സമിതി എക്സിക്യൂട്ടീവ് അംഗങ്ങൾ പരിപാടികൾക്ക് നേതൃത്വം നല്കി.
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ് ഗ്രൂപ്പുകളിലേക്ക് സ്വാഗതം
Follow this link to join our WhatsAppgroup
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി ടെലഗ്രാം ഗ്രൂപ്പിലേക്ക് സ്വാഗതം
Follow this link to join our Telegram group