കൊച്ചി :പുല്‍ക്കുടിലില്‍ പ്രത്യാശയുടെയും സമാധാനത്തിന്‍റെയും പ്രതീകമായി വന്നു പിറന്ന ഉണ്ണിയേശു മനുഷ്യരായ നമ്മുടെ ഹൃദയ കവാടങ്ങള്‍ സഹോദരങ്ങള്‍ക്കായി മലര്‍ക്കെ തുറന്നിടാനാണ് ആഹ്വാനം ചെയ്യുന്നതെന്നു കെസിബിസിയുടെ ക്രിസ്തുമസ് സന്ദേശത്തിൽ പറഞ്ഞു.
ആരെയും അകറ്റിനിര്‍ത്താതെ എല്ലാവരിലേക്കും സ്‌നേഹത്തിന്‍റേയും സൗഹൃദത്തിന്‍റേയും സന്ദേശങ്ങള്‍ പകരാന്‍ ‘അത്യുന്നതങ്ങളില്‍ ദൈവത്തിനു മഹത്വം ഭൂമിയില്‍ നല്ല മനസുള്ളവര്‍ക്കു സമാധാനം’ എന്ന ക്രിസ്തുമസ് ഗീതം നമ്മെ പ്രേരിപ്പിക്കുന്നു.
എല്ലാ പ്രശ്‌നങ്ങളെയും പ്രതിസന്ധികളെയും തുറവിയോടെ സമീപിച്ച് ഈ ഭൂമിയില്‍ സമാധാനം സംസ്ഥാപിക്കാനുള്ള നമ്മുടെ ഓരോരുത്തരുടെയും ഉത്തരവാദിത്വത്തെ ഓര്‍മ്മിപ്പിക്കുന്ന ക്രിസ്തുമസിന്‍റെ നന്മകള്‍ കേരള സമൂഹത്തിന് ആശംസിക്കുന്നുവെന്ന് കെസിബിസി പ്രസിഡന്‍റ് കര്‍ദിനാള്‍ മാര്‍ ബസേലിയോസ് ക്ലീമിസ് ബാവ, വൈസ് പ്രസിഡന്‍റ് ബിഷപ് മാര്‍ പോളി കണ്ണൂക്കാടന്‍, സെക്രട്ടറി ജനറല്‍ ബിഷപ് ഡോ. അലക്‌സ് വടക്കുംതല എന്നിവര്‍ പ്രസ്താവിച്ചു.
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ് ഗ്രൂപ്പുകളിലേക്ക് സ്വാഗതം
Follow this link to join our WhatsAppgroup
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി ടെലഗ്രാം ഗ്രൂപ്പിലേക്ക് സ്വാഗതം
Follow this link to join our Telegram group
