കോട്ടയം:ഗുഡ്ഗാവ് രൂപതാധ്യക്ഷന്‍ ജേക്കബ് മാര്‍ ബര്‍ണബാസ് തിരുമേനിയുടെ നിര്യാണത്തിൽ അനുശോചനം അറിയിച്ച് കർദിനാൾ മാര്‍ ജോര്‍ജ് ആലഞ്ചേരി.തന്‍റെ ഇടയശുശ്രൂഷ പൂര്‍ത്തീകരിച്ച് ദൈവസന്നിധിയിലേക്ക് ചേര്‍ക്കപ്പെടുമ്പോള്‍ വിടചൊല്ലുന്നത് ജീവിതമാതൃകകൊണ്ടും വിശ്വാസതീക്ഷ്ണതകൊണ്ടും അതുല്യമായ മിഷന്‍ പ്രവര്‍ത്തനങ്ങള്‍കൊണ്ടും വ്യത്യസ്തനായ, പകരം വയ്ക്കാനാവാത്ത ഇടയശ്രേഷ്ഠനാണെന്നു അനുസ്മരണ സന്ദേശത്തിൽ കർദിനാൾ ആലഞ്ചേരി പറഞ്ഞു.പാവപ്പെട്ടവര്‍ക്കു മുന്നില്‍ പദവിയുടെ ആഡംബരങ്ങള്‍ ഇല്ലാതെ, കൈകൂപ്പാനും അവരെ ബഹുമാനിക്കുവാനും മനസ് കാണിച്ചിരുന്ന വ്യക്തിത്വമായിരുന്നു അദ്ദേഹത്തിന്‍റേത്.മറ്റുള്ളവരുടെ വേദന തന്‍റെ കൂടി വേദനയാണെന്നു മനസിലാക്കി ജീവിച്ച പിതാവ് എന്നും ക്രൈസ്തവ സമൂഹത്തിന് ഉത്തമ മാതൃകയായിരുന്നുവെന്നും കെസിബിസി പ്രസിഡന്‍റ്കുടിയായ കർദിനാൾ ആലഞ്ചേരി അനുസ്മരിച്ചു.
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ് ഗ്രൂപ്പുകളിലേക്ക് സ്വാഗതം
Follow this link to join our WhatsApp group
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി ടെലഗ്രാം ഗ്രൂപ്പിലേക്ക് സ്വാഗതം
Follow this link to join our Telegram group
