കേരള ലാറ്റിൻ കാത്തലിക് അസോസിയേഷന്‍റെ (കെഎല്‍സിഎ) ഒരു വര്‍ഷം നീണ്ടുനില്‍ക്കുന്ന ജൂബിലി ആഘോഷങ്ങളുടെ ലോഗോ പ്രകാശനം ചെയ്തു.കെആര്‍എല്‍സിസി പ്രസിഡന്‍റ് ബിഷപ് ഡോ. ജോസഫ് കരിയില്‍ പ്രകാശന കര്‍മം നിര്‍വഹിച്ചു.
ഈ മാസം 27ന് എറണാകുളം ടൗണ്‍ ഹാളില്‍ നടക്കുന്ന ജൂബിലി ഉദ്ഘാടനസമ്മേളനത്തോടുകൂടി ആരംഭിച്ച് ഒരു വര്‍ഷം നീണ്ടുനില്‍ക്കുന്ന കര്‍മപരിപാടികളാണ് ആവിഷ്‌കരിച്ചിരിക്കുന്നത്. കെഎല്‍സിഎ സംസ്ഥാന സമിതിയുടെ നേതൃത്വത്തില്‍ നടക്കുന്ന പരിപാടികള്‍ക്ക് ഓരോ രൂപതയും ആതിഥേയത്വം വഹിക്കും. 2023 മാര്‍ച്ചില്‍ കൊച്ചിയില്‍ സമാപന സമ്മേളനം നടക്കും.
കെഎല്‍സിഎ സംസ്ഥാന ജനറല്‍ സെക്രട്ടറി അഡ്വ. ഷെറി ജെ. തോമസ്, കെആര്‍എല്‍സിസി വൈസ് പ്രസിഡന്‍റ് ജോസഫ് ജൂഡ്, കെഎല്‍സിഎ നേതാക്കളായ ടി.എ. ഡാല്‍ഫിന്‍, ബിജു ജോസി, അലക്‌സ് താളുപ്പാടത്ത്, വിന്‍സ് പെരിഞ്ചേരി, പൈലി ആലുങ്കല്‍, ജോണ്‍ ബ്രിട്ടോ, ബാബു കാളിപ്പറമ്പില്‍, ജോബ് പുളിക്കില്‍, എന്‍.ജെ. പൗലോസ്, സാബു വി. തോമസ് എന്നിവര്‍ പ്രസംഗിച്ചു.
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ് ഗ്രൂപ്പുകളിലേക്ക് സ്വാഗതം
Follow this link to join our WhatsAppgroup
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി ടെലഗ്രാം ഗ്രൂപ്പിലേക്ക് സ്വാഗതം
Follow this link to join our Telegram group
