127-ാമത് മാരാമണ് കണ്വൻഷൻ 13 മുതൽ 20 വരെ മാരാമണ് മണൽപ്പുറത്ത് നടക്കുo.
13ന് ഉച്ചയ്ക്ക് 2.30ന് ഡോ. തിയഡോഷ്യസ് മാർത്തോമ്മാ മെത്രാപ്പോലീത്താ കണ്വൻഷൻ ഉദ്ഘാടനം ചെയ്യും. സുവിശേഷ പ്രസംഗസംഘം പ്രസിഡന്റ് ഡോ. യുയാക്കിം മാർ കൂറിലോസ് സഫ്രഗൻ മെത്രാപ്പോലീത്താ അധ്യക്ഷത വഹിക്കും.
ബിഷപ് ദിലോരാജ് ആർ. കനകസാബെ, റവ.ഡോ. ജോണ് സാമുവേൽ പൊന്നുസാമി, റവ. അസിർ എബനേസർ, കർദിനാൾ മാർ ബസേലിയോസ് ക്ലിമീസ് കാതോലിക്കാ ബാവാ, ബസേലിയോസ് മാർത്തോമ്മാ മാത്യൂസ് തൃതീയൻ കാതോലിക്കാ ബാവാ, മാർഔഗേൻ കുര്യാക്കോസ് മെത്രാപ്പോലീത്താ, ബിഷപ് മലയിൽ സാബു കോശി ചെറിയാൻ, കുര്യാക്കോസ് മാർ തെയോഫിലോസ് മെത്രാപ്പോലീത്താ എന്നിവർ മുഖ്യപ്രസംഗകരാണ്. വിശ്വാസസമൂഹം ടിവി, സോഷ്യൽ മീഡിയ എന്നിവയിലൂടെയുള്ള ലൈവ് ടെലികാസ്റ്റിംഗ് ഉണ്ട്.
14 മുതൽ 19 വരെ രാവിലെ 10നും വൈകുന്നേരം അഞ്ചി നും നടക്കുന്ന പൊതുയോഗങ്ങൾക്കു പുറമേ രാവിലെ 7.30 മുതൽ 8.30 വരെ സ്ത്രീകൾക്കും പുരുഷന്മാർക്കുമായി സംയുക്ത ബൈബിൾ ക്ലാസുകളും നടക്കും. കുട്ടികൾക്കായുള്ള ബൈബിൾ ക്ലാസുകൾ 14 മുതൽ 19 വരെ രാവിലെ 7.30ന് ഓണ്ലൈനായി നടത്തും. 17നു രാവിലെ 10ന് എക്യുമെനിക്കൽ സമ്മേളനത്തിൽ വിവിധ സഭകളുടെ മേലധ്യക്ഷന്മാർ പങ്കെടുക്കും.
യുവവേദി യോഗങ്ങൾ 17 മുതൽ 19 വരെ 3.30നു ക്രമീകരിച്ചിട്ടുണ്ട്. സുവിശേഷവേലയ്ക്കായി സമർപ്പിച്ചിട്ടുള്ള 12 വയസിനു മുകളിൽ പ്രായമുള്ളവരുടെ പ്രതിഷ്ഠാശുശ്രൂഷ കോഴഞ്ചേരി സെന്റ് തോമസ് മാർത്തോമ്മാ പള്ളിയിൽ 19നു രാവിലെ 7.30ന് നടക്കും.
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ് ഗ്രൂപ്പുകളിലേക്ക് സ്വാഗതം
Follow this link to join our WhatsAppgroup
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി ടെലഗ്രാം ഗ്രൂപ്പിലേക്ക് സ്വാഗതം
Follow this link to join our Telegram group