ചങ്ങനാശേരി മുൻ ആർച്ച്ബിഷപ് മാർ ജോസഫ് പവ്വത്തിലിന്‍റെ മെത്രാഭിഷേക സുവർണജൂബിലി ആഘോഷങ്ങൾ നാളെ നടക്കും. രാവിലെ 6.30ന് മാർ ജോസഫ് പവ്വത്തിൽ കൃതജ്ഞതാബലി അർപ്പിക്കും.വൈകുന്നേരം കോവിഡ് പ്രോട്ടോകോൾ അനുസരിച്ച് അനുമോദന സമ്മളനം നടത്തും.
ഏഴ് വാല്യങ്ങളായി തയാറാക്കിയ മാർ ജോസഫ് പവ്വത്തിലിന്‍റെ സമ്പൂർണ്ണ കൃതികളുടെ സമാഹാരം അദ്ദേഹത്തിന്‍റെ മെത്രാഭിഷേക സുവർണ ജൂബിലിയുടെ ഭാഗമായി ഈ മേയിൽ പ്രസിദ്ധീകരിക്കുമെന്ന് അതിരൂപതാ വികാരി ജനറാൾ മോണ്.തോമസ് പടിയത്ത് പറഞ്ഞു.
സീറോമലബാർ സഭ, ആരാധനാക്രമം, സഭാ വിജ്ഞാനീയം, വിദ്യാഭ്യാസം, മതം-രാഷ്ട്രം-രാഷ്ട്രീയം, സാമൂഹിക വിഷയങ്ങൾ എന്നിവയാണ് കൃതിയിലുള്ളത്.
മെത്രാഭിഷേക സുവർണജൂബിലിയുടെ ഭാഗമായി ചങ്ങനാശേരി അതിരൂപത കളർ എ ഹോം പദ്ധതിയിലൂടെ നിർധന കുടുംബങ്ങൾക്ക് അൻപത് ഭവനങ്ങൾ നിർമിച്ചു നൽകും.
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ് ഗ്രൂപ്പുകളിലേക്ക് സ്വാഗതം
Follow this link to join our WhatsAppgroup
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി ടെലഗ്രാം ഗ്രൂപ്പിലേക്ക് സ്വാഗതം
Follow this link to join our Telegram group
