വൈദികശുശ്രൂഷ ജീവിതത്തിൽ അരനൂറ്റാണ്ട് പിന്നിടുന്ന തലശേരി ആർച്ച്ബിഷപ് മാർ ജോർജ് ഞറളക്കാട്ടിന്‍റെ പൗരോഹിത്യ സുവർണ ജൂബിലി ആഘോഷം നാളെ രാവിലെ 11 ന് തലശേരി സാൻജോസ് മെട്രോപ്പൊലിറ്റൻ സ്കൂൾ ഓഡിറ്റോറിയത്തിൽ മുഖ്യമന്ത്രി പിണറായി വിജയൻ ഉദ്ഘാടനം ചെയ്യും. സീറോ മലബാർ സഭ മേജർ ആർച്ച്ബിഷപ് കർദിനാൾ മാർ ജോർജ് ആലഞ്ചേരി അധ്യക്ഷത വഹിക്കും.
ജൂബിലി സ്മാരക എയ്ഞ്ചൽ ഡയാലിസിസ് സഹായപദ്ധതിയുടെ ഉദ്ഘാടനം കേന്ദ്ര വിദേശകാര്യ-പാർലമെന്‍ററികാര്യ സഹമന്ത്രി വി. മുരളീധരനും മാർ സെബാസ്റ്റ്യൻ വള്ളോപ്പിള്ളി സ്മാരക അഞ്ഞൂറാമത് ഭവനത്തിന്‍റെ താക്കോൽദാനം ജലവിഭവ മന്ത്രി റോഷി അഗസ്റ്റിനും സെന്‍റ് ജോസഫ് ഹോസ്പിറ്റൽ ഉദ്ഘാടനം കെപിസിസി പ്രസിഡന്‍റ് കെ.സുധാകരൻ എംപിയും ജൂബിലി സ്മാരക സൗജന്യ കണ്ണട വിതരണ പദ്ധതി ഉദ്ഘാടനം ആർച്ച്ബിഷപ് എമിരറ്റസ് മാർ ജോർജ് വലിയമറ്റവും ജൂബിലി സ്മരണിക പ്രകാശനം കോഴിക്കോട് ബിഷപ് ഡോ. വർഗീസ് ചക്കാലയ്ക്കലും നിർവഹിക്കും.
മുഖ്യാതിഥികളായി പി.ജെ. ജോസഫ് എംഎൽഎ, യൂത്ത് ലീഗ് സംസ്ഥാന പ്രസിഡന്‍റ് പാണക്കാട് സയ്യിദ് മുനവറലി ശിഹാബ് തങ്ങൾ, എംപിമാരായ കെ. മുരളീധരൻ, രാജ്മോഹൻ ഉണ്ണിത്താൻ എന്നിവർ പങ്കെടുക്കും.
കണ്ണൂർ ജില്ലാ കളക്ടർ എസ്. ചന്ദ്രശേഖരൻ, എംഎൽഎമാരായ എ.എൻ. ഷംസീർ, സണ്ണി ജോസഫ്, സജീവ് ജോസഫ്, തലശേരി അതിരൂപത വികാരി ജനറാൾ മോൺ. ജോസഫ് ഒറ്റപ്ലാക്കൽ, തലശേരി നഗരസഭാ ചെയർപേഴ്സൺ കെ.എം. ജമുനറാണി, എംഎസ്എം‌ഐ പ്രൊവിൻഷ്യൽ സൂപ്പീരിയർ സിസ്റ്റർ ആൻസി മാത്യു, തലശേരി അതിരൂപത പാസ്റ്ററൽ കൗൺസിൽ സെക്രട്ടറി ജോർജ് തയ്യിൽ എന്നിവർ ആശംസാപ്രസംഗം നടത്തും.
തലശേരി അതിരൂപത സഹായമെത്രാൻ മാർ ജോസഫ് പാംപ്ലാനി സ്വാഗതവും വികാരി ജനറാൾ മോൺ. അലക്സ് താരാമംഗലം നന്ദിയും പറയും. മാർ ജോർജ് ഞറളക്കാട്ട് മറുപടി പ്രസംഗം നടത്തും.
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ് ഗ്രൂപ്പുകളിലേക്ക് സ്വാഗതം
Follow this link to join our WhatsAppgroup
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി ടെലഗ്രാം ഗ്രൂപ്പിലേക്ക് സ്വാഗതം
Follow this link to join our Telegram group
