കോട്ടയം: പാലാ ബിഷപ് മാർ ജോസഫ് കല്ലറങ്ങാട്ട് സന്ദർശിച്ച് മന്ത്രി വാസവൻ.
നാർക്കോട്ടിക് ജിഹാദ്, ലൗ ജിഹാദ് തുടങ്ങിയ വിഷയങ്ങളിൽ ബിഷപ്പ് നടത്തിയ പ്രസ്താവനയുടെ പേരിൽ ചില നിക്ഷിപ്ത താത്പര്യക്കാരാണ് ബോധപൂർവം പ്രശ്നങ്ങൾ സൃഷ്ടിക്കാൻ ശ്രമിക്കുന്നതെന്ന് മന്ത്രി വി.എൻ. വാസവൻ പറഞ്ഞു.മാർ ജോസഫ് കല്ലറങ്ങാട്ടിനെ സന്ദർശിച്ചശേഷം മാധ്യമങ്ങളോട് പ്രതികരിക്കുകയായിരുന്നു അദ്ദേഹം.
വർഗീയത തീവ്രവാദ ശക്തികളാണ് ഇതിനു പിന്നിൽ. ഭൂരിപക്ഷ, ന്യൂനപക്ഷ വർഗീയതയെയും തീവ്രവാദ നിലപാടുകളെയും ചെറുക്കുന്ന നിലപാടാണ് സർക്കാരിനുള്ളതെന്നും മതനിരപേക്ഷത സംരക്ഷിക്കുകയാണ് സർക്കാർ ലക്ഷ്യമെന്നും അദ്ദേഹം പറഞ്ഞു.സമൂഹത്തിൽ വിഭാഗീയത വളർത്തുന്ന രീതിയിൽ നവമാധ്യമങ്ങളിലൂടെ വിദ്വേഷ പ്രചാരണങ്ങൾ നടത്തുന്നവർക്കെതിരേ കർശന നടപടി സ്വീകരിക്കാൻ സർക്കാർ നടപടികൾ ആരംഭിച്ചിട്ടുണ്ടെന്നും, കേരളത്തിൽ സമാധാനത്തിന്‍റെ അന്തരീക്ഷം തകർക്കാൻ ആരെയും അനുവദിക്കില്ലന്നും വർഗീയ ചേരിതിരിവിനു ശ്രമിക്കുന്ന ശക്തികൾക്കെതിരേ ശക്തമായ നടപടി സ്വീകരിക്കുമെന്നും മന്ത്രി പറഞ്ഞു.
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ് ഗ്രൂപ്പുകളിലേക്ക് സ്വാഗതം
Follow this link to join our WhatsAppgroup
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി ടെലഗ്രാം ഗ്രൂപ്പിലേക്ക് സ്വാഗതം
Follow this link to join our Telegram group
