സാമൂഹ്യ നവോത്ഥാനത്തിനും വിദ്യാഭ്യാസമുന്നേറ്റത്തിനും കരുത്തു പകർന്ന കർമയോഗിയാണു വിശുദ്ധ ചാവറയച്ചനെന്നു പശ്ചിമ ബംഗാള്‍ ഗവര്‍ണര്‍ ഡോ. സി.വി. ആനന്ദബോസ്. ചാവറയച്ചന്‍റെ ‘പള്ളിക്കൊരു പള്ളിക്കൂടം’ പ്രഖ്യാപനം കേരളത്തിനു നൽകിയ വളർച്ച അതുല്യമാണെന്നും അദ്ദേഹം പറഞ്ഞു.
എറണാകുളം ചാവറ കൾച്ചറൽ സെന്‍ററിന്‍റെ സുവര്‍ണജൂബിലി സമാപന സമ്മേളനം എറണാകുളം ടൗണ്‍ ഹാളില്‍ ഉദ്ഘാടനം ചെയ്യുകയായിരുന്നു ഗവർണർ.
ചാവറദർശനങ്ങളും അതിനൊത്തുള്ള വിശ്വമാനവിക കാഴ്ചപ്പാടുകളും സാംസ്കാരിക ധാരകളും കൊച്ചിയിലും കേരളീയ പൊതുസമൂഹത്തിലും വിനിമയം ചെയ്യുന്നതിൽ അന്പതു വർഷം ചാവറ കൾച്ചറൽ സെന്‍റർ നൽകിയ സംഭാവനകൾ വലിയ മുതൽക്കൂട്ടാണെന്നും സി.വി. ആനന്ദബോസ് പറഞ്ഞു.
മന്ത്രി പി. രാജീവ് മുഖ്യപ്രഭാഷണം നടത്തി. സിഎംഐ പ്രിയോര്‍ ജനറാള്‍ റവ. ഡോ. തോമസ് ചാത്തംപറമ്പില്‍ അധ്യക്ഷത വഹിച്ചു.
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ് ഗ്രൂപ്പുകളിലേക്ക് സ്വാഗതം
Follow this link to join our WhatsAppgroup
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി ടെലഗ്രാം ഗ്രൂപ്പിലേക്ക് സ്വാഗതം
Follow this link to join our Telegram group
