വിശ്വാസികള്‍ക്കു ദര്‍ശനപുണ്യമേകി അര്‍ത്തുങ്കല്‍ സെന്‍റ് ആൻഡ്രൂസ് ബസലിക്ക ദേവാലയത്തിൽ വിശുദ്ധ സെബസ്ത്യാനോസിന്‍റെ തിരുസ്വരൂപം പരസ്യവണക്കത്തിനായി തിരുനടയില്‍ പ്രതിഷ്ഠിച്ചു.
പള്ളിയില്‍ പ്രത്യേകം സൂക്ഷിച്ച അറയില്‍ നിന്നു വര്‍ഷത്തിലൊരിക്കല്‍ മാത്രമാണ് തിരുസ്വരൂപം പുറത്തെടുക്കുന്നത്. റെക്ടര്‍ ഫാ. സ്റ്റീഫന്‍ ജെ. പുന്നയ്ക്കലിന്‍റെ നേതൃത്വത്തിലാണു തിരുസ്വരൂപം പുറത്തെടുത്തത്.
തുടര്‍ന്ന് നടന്ന വിശുദ്ധ കുർബാനയ്ക്ക് ഫാ. പോള്‍ ജെ. അറയ്ക്കല്‍ മുഖ്യകാര്‍മികത്വം വഹിച്ചു. ഫാ. യേശുദാസ് കാട്ടുങ്കല്‍തയ്യില്‍ സുവിശേഷ പ്രസംഗം നടത്തി.
പ്രധാന തിരുനാള്‍ ദിനമായ നാളെ രാവിലെ 11ന് ആഘോഷമായ തിരുനാള്‍ ദിവ്യബലിക്ക് തലശേരി ആർച്ച് ബിഷപ് മാർ ജോസഫ് പാംപ്ലാനി മുഖ്യകാര്‍മികത്വം വഹിക്കും. ഉച്ച കഴിഞ്ഞ് മൂന്നിന് പൊന്തിഫിക്കല്‍ ദിവ്യബലിക്ക് ആലപ്പുഴ ബിഷപ് ഡോ. ജയിംസ് റാഫേല്‍ ആനാപറമ്പില്‍ മുഖ്യകാര്‍മികത്വം വഹിക്കും. തുടര്‍ന്ന് തിരുനാള്‍ പ്രദക്ഷിണം. കൃതജ്ഞതാദിനത്തോടെ 27ന് തിരുനാള്‍ സമാപിക്കും.
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ് ഗ്രൂപ്പുകളിലേക്ക് സ്വാഗതം
Follow this link to join our WhatsAppgroup
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി ടെലഗ്രാം ഗ്രൂപ്പിലേക്ക് സ്വാഗതം
Follow this link to join our Telegram group
