ശ്രവിക്കുക, ശ്രവിക്കാൻ പഠിക്കുക, പാപ്പായുടെ അവസാന വീഡിയോ സന്ദേശം.

ശ്രവിക്കുകയും ശ്രവിക്കാൻ പഠിക്കുകയും ചെയ്യുന്നത് സമാധാന സംസ്ഥാപനത്തിന് സഹായകമാണെന്ന് ഉദ്ബോധിപ്പിച്ചുകൊണ്ടുള്ള പരിശുദ്ധ പിതാവ് ഫ്രാൻസിസ് മാർപാപ്പയുടെ മരണത്തിന് മുമ്പുള്ള അവസാന സന്ദേശം പുറത്തുവിട്ടു.
.
തൻറെ മരണത്തിന് ഏതാനും മാസങ്ങൾക്കു മുമ്പ്,   “സെൽ ഫോണിൽ” രേഖപ്പെടുത്തിയതും ഇറ്റലിയിലെ “ഓജി” (Oggi) എന്ന വാരിക ഇപ്പോൾ അതിൻറെ “വെബ്” താളിൽ പരസ്യപ്പെടുത്തിയതുമായ ഒരു വീഡിയൊ സന്ദേശത്തിലാണ് പാപ്പായുടെ ഈ ഉദ്ബോധനമുള്ളത്.

“ശ്രവണത്തിൻറെ പരീക്ഷണശാലകൾ” എന്ന ഒരു പരിപാടിയിൽ പങ്കെടുക്കുകയായിരുന്ന യുവതീയുവാക്കളെയാണ് പാപ്പാ ഈ വീഡിയോയിലൂടെ സംബോധന ചെയ്തത്.

ജീവിതത്തിലെ സുപ്രധാന കാര്യങ്ങളിൽ ഒന്നാണ് കേൾക്കുകയും കേൾക്കാൻ പഠിക്കുകയും ചെയ്യുന്നത് എന്ന് പറയുന്ന പാപ്പാ സംസാരിക്കുന്നയാളെ നന്നായി മനസ്സിലാക്കുന്നതിന് അയാളുടെ സംസാരം പൂർത്തിയാകുന്നതുവരെ കാത്തിരിക്കണമെന്നും  എന്നിട്ടു മാത്രം എന്തെങ്കിലും പറയാനുണ്ടെങ്കിൽ പറയണമെന്നും ഓർമ്മിപ്പിക്കുന്നു. 

നാം ആളുകളെ നിരീക്ഷിക്കുകയാണെങ്കിൽ, ശ്രദ്ധിക്കാതിരിക്കുകയും ഒരു വിശദീകരണത്തിൻറെ ഇടയ്ക്കുവച്ച് പ്രതികരിക്കുകയും ചെയ്യുന്നവരെ നമുക്കു കാണാൻ കഴിയുമെന്നും എന്നാൽ ഇപ്രകാരം ചെയ്യുന്നത് സമാധാനത്തിന് സഹായകമാകില്ലെന്നും പാപ്പാ പറയുന്നു.

മുത്തശ്ശീമുത്തശ്ശന്മാരെ മറക്കരുത് എന്ന് നമ്മെ ആവർത്തിച്ച് ഓർമ്മപ്പെടുത്താനും ഈ വീഡിയൊ സന്ദേശം ഉപയോഗിക്കുന്ന പാപ്പാ മുത്തശ്ശീമുത്തച്ഛന്മാർ നമ്മെ വളരെയധികം കാര്യങ്ങൾ പഠിപ്പിക്കുന്നു എന്ന വസ്തുത അനുസ്മരിക്കുകയും ചെയ്യുന്നു

ക്രൈസ്തവ ലോകത്തെ പുതുപുത്തൻ വാർത്തകളും വിശേഷങ്ങളും അറിയുവാൻ മരിയൻ വൈബ്സ് ന്യൂസ് പോർട്ടലിന്റെ ഏറ്റവും പുതിയ വാട്സ്ആപ്പ് ചാനൽ സബ്സ്ക്രൈബ് ചെയ്യുക....

????????????????????????????????????????????????
https://whatsapp.com/channel/0029VaELOKJId7nMsgAl330m