മാർപാപ്പായെ പരിശുദ്ധ അമ്മയുടെ മാദ്ധ്യസ്ഥ്യത്തിന് ഭരമേല്പിക്കാം : കർദ്ദിനാൾ പരോളിൻ

നമ്മുടെ കാര്യത്തിൽ കരുതലുള്ള അമ്മയായ പരിശുദ്ധ കന്യകാമറിയം രോഗത്തിൻറെയും പരീക്ഷണത്തിൻറെയുമായ ഈ വേളയിൽ ഫ്രാൻസീസ് പാപ്പായെ താങ്ങിനിറുത്തട്ടെയെന്നും ആരോഗ്യം പെട്ടെന്നു വീണ്ടടുക്കാൻ സഹായിക്കട്ടെയെന്നും വത്തിക്കാൻ സംസ്ഥാന കാര്യദർശി കർദ്ദിനാൾ പീയെത്രോ പരോളിൻ.

കർദ്ദിനാളന്മാരും മെത്രാന്മാരും റോമൻകൂരിയായിലെ അംഗങ്ങളും സമർപ്പിതരും അൽമായവിശ്വാസികളും ഏകയോഗമായി പാപ്പായുടെ സുഖപ്രാപ്തിക്കായി ചൊല്ലിയ കൊന്തനമസ്കാരത്തിന് ആമുഖമായിട്ടാണ് അദ്ദേഹം ഇപ്രകാരം പ്രാർത്ഥിച്ചത്.

രോഗികളുടെ ആരോഗ്യമായ നാഥയെന്ന് നാം വിളിച്ചപേക്ഷിക്കുന്ന ഏറ്റം പരിശുദ്ധയായ മറിയത്തിൻറെ ശക്തമായ മാദ്ധ്യസ്ഥ്യത്തിന് പാപ്പായെ സമർപ്പിക്കാമെന്ന് കർദ്ദിനാൾ പരോളിൻ പറഞ്ഞു.  

പത്രോസ് തടവിലാക്കപ്പെട്ട സമയത്ത് സഭ തീവ്രമായി പ്രാർത്ഥിച്ചിരുന്നുവെന്ന് അപ്പോസ്തലന്മാരുടെ പ്രവൃത്തികളിൽ പറയുന്നത് അനുസ്മരിച്ച അദ്ദേഹം ആകയാൽ, അപകടത്തിലോ രോഗത്തിലോ ആകുന്ന പാപ്പായ്ക്കു വേണ്ടി ക്രൈസ്തവ ജനത പ്രാർത്ഥിക്കുക പതിവാണെന്നും ഈ ദിനങ്ങളിൽ ജെമേല്ലി പോളിക്ലിനിക്കിൽ കഴിയുന്ന ഫ്രാൻസീസ് പാപ്പായ്ക്കുവേണ്ടി ലോകമെമ്പാടുമുള്ള ക്രൈസ്തവ വിശ്വാസികളും സമൂഹങ്ങളും കർത്താവിനോട് തീവ്രമായ് പ്രാർത്ഥിക്കുന്നുവെന്നും പറഞ്ഞു.

ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ്,ടെലഗ്രാം ഗ്രൂപ്പുകളിലേക്ക് സ്വാഗതം ‍                                                                                                           Follow this link to join  WhatsApp group
https://chat.whatsapp.com/FuxH3GIGJOZLwdy1V4FA8J

Follow this link to join Telegram group
https://t.me/joinchat/20BbDWgnkcBmMWI0