ഏകീകൃത പെൻഷൻ; ഏപ്രില്‍ 1 മുതല്‍ ബാധകമാക്കും.

ഏപ്രില്‍ 1 മുതല്‍ ഏകീകൃത പെൻഷൻ പദ്ധതി നടപ്പിലാക്കാനുള്ള മാർഗനിർദേശങ്ങള്‍ അവതരിപ്പിച്ച്‌ പെൻഷൻ ഫണ്ട് റെഗുലേറ്ററി ആൻഡ് ഡെവലപ്‌മെന്റ് അതോറിറ്റി.

നിലവില്‍ ദേശീയ പെൻഷൻ സംവിധാനത്തിന് (എൻ.പി.എസ് ) കീഴില്‍ വരുന്ന സർക്കാർ ജീവനക്കാർക്ക് ഒന്നുകില്‍ എൻ.പി.എസില്‍ തുടരാനോ പുതിയ സ്‌കീമിലേക്ക് മാറാനോ അവസരമുണ്ട്. 2025 മാർച്ച്‌ 31-നോ അതിനു ശേഷമോ  വിരമിക്കുന്ന എല്ലാ കേന്ദ്ര സർക്കാർ ജീവനക്കാർക്കും പെൻഷൻ ലഭിക്കും. 

 ഏകീകൃത പെൻഷൻ പദ്ധതിയെ കുറിച്ച്‌ അറിയേണ്ടതെല്ലാം 

ഏകീകൃത പെൻഷൻ സ്കീമിന് അർഹതയുള്ളത് ആർക്കൊക്കെ?

2004 ഏപ്രില്‍ ഒന്നിന് ശേഷം സർവീസില്‍ ചേർന്ന എല്ലാ സർക്കാർ ജീവനക്കാരും നിലവില്‍ എൻ.പി.എസ് ഉണ്ട്. പുതിയ പദ്ധതി 2025 ഏപ്രില്‍ 1 മുതല്‍ പ്രാബല്യത്തില്‍ വരുമെങ്കിലും, ദേശീയ പെൻഷൻ സ്കീമിന് (എൻപിഎസ്) കീഴില്‍ വരുന്ന ജീവനക്കാർക്ക് അത് തന്നെ തുടരാനോ പുതിയ സ്കീം തിരഞ്ഞെടുക്കാനോ കഴിയും.

കുറഞ്ഞത് 25 വർഷം സേവനമനുഷ്ഠിച്ച ജീവനക്കാർക്ക് യുപിഎസ് ഉറപ്പായ പെൻഷൻ വാഗ്ദാനം ചെയ്യുന്നു. കുറഞ്ഞത് 10 വർഷമെങ്കിലും സേവനമനുഷ്ഠിച്ച ജീവനക്കാർക്ക് പ്രതിമാസം 10,000 രൂപയായിരിക്കും മിനിമം പെൻഷൻ. കൂടാതെ, അടുത്ത സാമ്പത്തിക  വർഷം മുതല്‍, പദ്ധതി ഉറപ്പുനല്‍കുന്ന കുടുംബ പെൻഷനും ലഭിക്കും. ഈ കുടുംബ പെൻഷൻ ജീവനക്കാരുടെ മരണത്തിന് തൊട്ടുമുൻപ്  അവരുടെ പെൻഷന്റെ 60 ശതമാനം എന്ന നിരക്കില്‍ ആയിരിക്കും കണക്കാക്കുക.

ക്രൈസ്തവ ലോകത്തെ പുതുപുത്തൻ വാർത്തകളും വിശേഷങ്ങളും അറിയുവാൻ മരിയൻ വൈബ്സ് ന്യൂസ് പോർട്ടലിന്റെ ഏറ്റവും പുതിയ വാട്സ്ആപ്പ് ചാനൽ സബ്സ്ക്രൈബ് ചെയ്യുക....

????????????????????????????????????????????????
https://whatsapp.com/channel/0029VaELOKJId7nMsgAl330m