ഹംഗറിയില് വെച്ച് നടക്കുന്ന അമ്പത്തി രണ്ടാമത് അന്താരാഷ്ട്ര ദിവ്യകാരുണ്യ കോണ്ഗ്രസിന് തിരിതെളിഞ്ഞു.ഇന്നലെ ബുഡാപെസ്റ്റിലെ പ്ലാസാ ഡെ ലോസ് ഹെറോസില്വെച്ച് യൂറോപ്പിലെ എപ്പിസ്കോപ്പല് കോണ്ഫറന്സുകളുടെ സമിതി (സി.സി.ഇ.ഇ) പ്രസിഡന്റായ കര്ദ്ദിനാള് ആഞ്ചെലോ ബാഗ്നാസ്കോയുടെ മുഖ്യകാര്മ്മികത്വത്തില് അര്പ്പിച്ച വിശുദ്ധ കുര്ബാനയോടെയാണ് 12 വരെ നീളുന്ന അന്താരാഷ്ട്ര ദിവ്യകാരുണ്യ സമ്മേളനത്തിന് ആരംഭo കുറിച്ചത്.
വിശ്വാസികളും, ഹംഗറിയിലെ കത്തോലിക്ക സ്കൂളുകളില് നിന്നുള്ള വിദ്യാര്ത്ഥികളും അടക്കം ആയിരം പേരടങ്ങുന്ന ഗായകസംഘത്തിന്റെ ഗാനശുശ്രൂഷ വിശുദ്ധ കുര്ബാനക്ക് അകമ്പടിയായി. ഇവരില് ചിലര് പ്രഥമ ദിവ്യകാരുണ്യ സ്വീകരണം നടത്തിയതെന്നതും സമ്മേളനത്തിന്റെ പ്രാരംഭ ദിനത്തെ ശ്രദ്ധേയമാക്കി. സഭക്ക് നിശബ്ദമായിരിക്കുവാന് കഴിയില്ലെന്നും. ഉത്ഥിതനായ ക്രിസ്തുവിനെ പ്രഘോഷിക്കുന്നത് സഭ തുടരുമെന്നും ദിവ്യബലി മദ്ധ്യേ നടത്തിയ പ്രസംഗത്തിനിടയില് കര്ദ്ദിനാള് ബാഗ്നാസ്കോ പറഞ്ഞു.
കഴിഞ്ഞ വര്ഷം നടക്കേണ്ടിയിരുന്ന ദിവ്യകാരുണ്യ കോണ്ഗ്രസ്സ് കൊറോണ പകര്ച്ചവ്യാധിയെ തുടര്ന്നു നീട്ടിവെക്കുകയായിരുന്നു. സെപ്റ്റംബര് 12-ന് പ്രാദേശിക സമയം രാവിലെ 11:30-ന് ഫ്രാന്സിസ് പാപ്പ അര്പ്പിക്കുന്ന വിശുദ്ധ കുര്ബാനയോടെയാണ് ദിവ്യകാരുണ്യ കോണ്ഗ്രസിന് സമാപനമാക്കുക..
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ് ഗ്രൂപ്പുകളിലേക്ക് സ്വാഗതം
Follow this link to join our WhatsApp group
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി ടെലഗ്രാം ഗ്രൂപ്പിലേക്ക് സ്വാഗതം
Follow this link to join our Telegram group