സൗത്ത് കരോലിനയിലെ കത്തോലിക്കാ ജനസംഖ്യയിൽ വൻ വർധനവ്
തങ്ങളുടെ വിശ്വാസം ആഴത്തിലാക്കാൻ അർപ്പിതമായ ഭക്തരായ കത്തോലിക്കരുടെ സജീവമായ ഒരു സമൂഹം സൗത്ത് കരോലിനയിൽ വളർന്നുവരുന്നത്തിന്റെ തെളിവാണ് ഇവിടെ കത്തോലിക്കാ ജനസംഖ്യയിലുണ്ടായ വർധനവ്.
1820 ജൂലൈ 11-ന് പയസ് ഏഴാമൻ മാർപാപ്പയാൽ സ്ഥാപിതമായ രൂപതയാണ് സൗത്ത് കരോലിനയിലെ ചാൾസ്റ്റൺ രൂപത. ആദ്യം മൂന്നു സംസ്ഥാനങ്ങളെ ഉൾക്കൊണ്ടിരുന്ന രൂപത ഇപ്പോൾ സൗത്ത് കരോലിന മുഴുവനിലേക്കും എന്നനിലയിൽ വളർന്നു.
ഇന്ന് 95 ഇടവകകളും 21 മിഷനുകളും 32 രൂപതാ സ്കൂളുകളും ചാൾസ്റ്റൺ രൂപതയിൽ ഉൾക്കൊള്ളുന്നു. 1980-കളിലെ മറ്റു പ്രദേശങ്ങളുമായി താരതമ്യപ്പെടുത്തുമ്പോൾ, സൗത്ത് കരോലിന രാജ്യത്തെ ഏറ്റവും കുറഞ്ഞ കത്തോലിക്കാ സംസ്ഥാനമായിരുന്നു. സൗത്ത് കരോലിനയുടെ ജനസംഘയിൽ 2% മാത്രമായിരുന്നു കത്തോലിക്കർ. എന്നിരുന്നാലും, ഒരു എക്യുമെനിക്കൽ കോൺഫറൻസിൻ്റെ ഭാഗ‌മായി 1987-ൽ ജോൺ പോൾ രണ്ടാമൻ മാർപാപ്പ സൗത്ത് കരോലിന സർവകലാശാല സന്ദർശിച്ചതിനുശേഷമാണ് ഇവിടത്തെ കത്തോലിക്കരുടെ എണ്ണത്തിൽ വർധ കാണാൻതുടങ്ങിയത്.
ചാൾസ്റ്റൺ രൂപതയുടെ കണക്കനുസരിച്ച്, സൗത്ത് കരോലിന അതിന്റെ കത്തോലിക്കാ സമൂഹം 2,18,000 രജിസ്റ്റർ ചെയ്ത കത്തോലിക്കരിലേക്ക് അല്ലെങ്കിൽ സംസ്ഥാനത്തെ നിലവിലെ ജനസംഖ്യയുടെ 4.07% ആയി വളർന്നു. ഈ സംഖ്യ 1987-ലെ സംസ്ഥാനത്തെ കത്തോലിക്കാ ജനസംഖ്യയിൽനിന്ന് 200% വർധനയെ പ്രതിനിധീകരിക്കുന്നു.
ക്രൈസ്തവ ലോകത്തെ പുതുപുത്തൻ വാർത്തകളും വിശേഷങ്ങളും അറിയുവാൻ മരിയൻ വൈബ്സ് ന്യൂസ് പോർട്ടലിന്റെ ഏറ്റവും പുതിയ വാട്സ്ആപ്പ് ചാനൽ സബ്സ്ക്രൈബ് ചെയ്യുക….
👇🏻👇🏻👇🏻👇🏻👇🏻👇🏻
https://whatsapp.com/channel/0029VaELOKJId7nMsgAl330m
