j117

സിറിയയുടെ പുനര്‍നിര്‍മാണത്തിനായി പ്രതിനിധിസംഘത്തെ അയച്ച്‌ മാര്‍പാപ്പ

സിറിയയുടെ പുനര്‍നിര്‍മാണത്തിനായി പ്രതിനിധിസംഘത്തെ അയച്ച്‌ മാര്‍പാപ്പ

പൗരസ്ത്യ സഭകള്‍ക്കായുള്ള ഡിക്കാസ്റ്ററിയുടെ പ്രിഫെക്റ്റ്, കർദിനാള്‍ ക്ലാവുദിയോ ഗുജെറോത്തി ഉള്‍പ്പെട്ട പ്രതിനിധിസംഘം ജനുവരി 24 ന് സിറിയയിലേക്ക് തിരിക്കും.

സിറിയയുടെ പുനർനിർമാണത്തെ പ്രോത്സാഹിപ്പിക്കാൻ ഫ്രാൻസിസ് മാർപാപ്പ അയക്കുന്ന പ്രതിനിധിസംഘമാണിത്.

"നിലവിലെ സാഹചര്യത്തില്‍, സിറിയയിലെ കത്തോലിക്കാ സഭയ്ക്ക് പരിശുദ്ധ പിതാവിന്റെ വാത്സല്യവും പിന്തുണയും അനുഭവവേദ്യമാക്കുക എന്നതാണ് ഈ സന്ദർശനത്തിന്റെ ഉദ്ദേശ്യം. 

സ്വാതന്ത്ര്യത്തെയും മനുഷ്യാന്തസ്സിനെയും വൈവിധ്യത്തെയും മാനിച്ചുകൊണ്ട്, അഭിവൃദ്ധി ഉറപ്പുനല്‍കുന്ന സമാധാനപരമായ ഒരു പുനർനിർമാണം സാധ്യമാക്കാൻ ഫ്രാൻസിസ് മാർപാപ്പ ആഹ്വാനം ചെയ്യുന്നു". വത്തിക്കാൻ ഡിക്കാസ്റ്ററി പ്രസ്താവനയില്‍ പറയുന്നു.

സിറിയ സന്ദർശനവേളയില്‍ ബിഷപ്പുമാർ, വൈദികർ, സമർപ്പിതർ, കത്തോലിക്കാ വിശ്വാസികള്‍ എന്നിവരെ ഓരോ കത്തീഡ്രലുകളിലും പ്രതിനിധിസംഘം സന്ദർശിക്കും.

ഡമാസ്കസിലും അലപ്പോയിലും കമ്മ്യൂണിറ്റി നേതാക്കള്‍, പുരോഹിതന്മാർ, സമർപ്പിതർ, അല്‍മായർ, പ്രാദേശികസഭകളുടെ ചാരിറ്റി പ്രമോഷൻ ബോഡികള്‍ എന്നിവരുമായി കൂടിക്കാഴ്ച നടത്തും. 

വത്തിക്കാൻ ഡിക്കാസ്റ്ററി നല്‍കുന്ന അജണ്ടപ്രകാരം ഹോംസ് നഗരത്തില്‍ നടക്കുന്ന കത്തോലിക്കാ ബിഷപ്പുമാരുടെ പ്ലീനറി അസംബ്ലിയിലും കർദിനാള്‍ ഗുജെറോത്തി പങ്കെടുക്കും

ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ്,ടെലഗ്രാം ഗ്രൂപ്പുകളിലേക്ക് സ്വാഗതം ‍                                                                                                     Follow this link to join  WhatsApp group
https://chat.whatsapp.com/FuxH3GIGJOZLwdy1V4FA8J


Follow this link to join Telegram group
https://t.me/joinchat/20BbDWgnkcBmMWI0


Comment As:

Comment (0)