ദൈവകരുണയ്ക്കായ് നിരന്തരം പ്രാർത്ഥിച്ചു കൊണ്ടിരിക്കുന്ന Divina Misericordia International മിനിസ്റ്ററിക്ക് പുതിയ നേതൃത്വം.
Ministryയുടെ രക്ഷാധികാരിയായ ഡോ. വർഗീസ് ചക്കാലക്കൽ പിതാവാണ് പരിശുദ്ധ കന്യകാമറിയത്തിൻ്റെ ജനന തിരുനാൾ ദിവസം കോഴിക്കോട് രൂപത കേന്ദ്രത്തിൽ വെച്ച് നടന്ന പ്രത്യേക ചടങ്ങിൽ വച്ച് പുതിയ ഭാരവാഹികളെ പ്രഖ്യാപിച്ചത്. പുതിയ ഇൻറർനാഷണൽ കോര്‍ഡിനേറ്ററായി ബ്രദർ ജോർജ് ജോസഫിനെ പിതാവ് നിയമിച്ചു.
ഇന്ത്യൻ എയർഫോഴ്സിലെ വിംഗ് കമാൻഡർ ആയിരുന്ന ജോർജ് സാർ ജോലിയിൽ നിന്ന് VRS എടുത്തുകൊണ്ട് സമ്പൂർണ്ണമായി തൻ്റെ ജീവിതം ദൈവകരുണയ്ക്ക് സമർപ്പിച്ച് ഈ ശുശ്രൂഷയിലേക്ക് ഇറങ്ങി തിരിക്കുകയായിരുന്നു. യാതൊരു അവകാശവാദങ്ങളും ഇല്ലാത്ത, സ്ഥാനമാനങ്ങൾ ഒന്നും ആഗ്രഹിക്കാത്ത നിസ്വാർത്ഥമായ കഴിഞ്ഞ കാലങ്ങളിലെ അദ്ദേഹത്തിൻ്റെ എളിമയോടെയുള്ള ശുശ്രൂഷയുടെയും, ആത്മ സമർപ്പണത്തിൻ്റെയും, എല്ലാവരോടും സ്നേഹത്തോടെയുള്ള സമീപനത്തിൻ്റെയും സമ്മാനം കൂടി ആയിരുന്നു പരിശുദ്ധ അമ്മയുടെ ജനന തിരുനാളിൽ അദ്ദേഹത്തിന് ലഭിച്ച ഈ പുതിയ നിയോഗം.
ഇൻറർനാഷണൽ അസിസ്റ്റൻറ് കോർഡിനേറ്റേഴ്സ് ആയി നിലവിൽ മാലദീവ്സ് കോഡിനേറ്റർ ആയ ബ്രദർ മത്തായി പി ജോണിനെയും, വനിതാ പ്രാതിനിധ്യം ഉറപ്പിച്ചുകൊണ്ട് യുഎഇയുടെ കോഡിനേറ്റർ ആയ സിസ്റ്റർ സെലിൻ പോൾസനെയും അഭിവന്ദ്യ പിതാവ് നിയമിച്ചു. അതോടൊപ്പം പുതിയ ഇൻ്റർനാഷണൽ വർക്കിംഗ് ടീം അംഗങ്ങളുടെ പേരുകളും വർഗ്ഗീസ് ചക്കാലക്കൽ പിതാവ് പ്രഖ്യാപിച്ചു.
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ് ഗ്രൂപ്പുകളിലേക്ക് സ്വാഗതം
Follow this link to join our WhatsAppgroup
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി ടെലഗ്രാം ഗ്രൂപ്പിലേക്ക് സ്വാഗതം
Follow this link to join our Telegram group
