വത്തിക്കാന്‍ സിറ്റി: ‘രക്ഷകനായ ക്രിസ്തുവിലുള്ള സന്തോഷകരമായ വിശ്വാസത്തിന് സാക്ഷ്യം വഹിക്കാന്‍ നാം വിളിക്കപ്പെട്ടിരിക്കുന്നു’ എന്നും വിശ്വാസമില്ലെങ്കിൽ ജീവിതo അർത്ഥ ശൂന്യമാണെന്നും ഉദ്ബോധിപ്പിച്ച്
ലിയോ 14-ാമൻ മാർപാപ്പ വിശ്വാസം ഇല്ലാത്തിടത്ത് ജീവിതത്തിന് അര്‍ത്ഥം നഷ്ടപ്പെടുമെന്നും അദ്ദേഹം മുന്നറിയിപ്പ് നല്‍കി.
ക്രിസ്തുവുമായി വ്യക്തിപരമായ ബന്ധം എപ്പോഴും നന്നായി വളര്‍ത്തിയെടുക്കണമെന്ന് മാര്‍പ്പാപ്പ ആഹ്വാനം ചെയ്തു.
പത്രോസിന്റെ ക്രിസ്തുവുമായുള്ള ബന്ധത്തെക്കുറിച്ച് ധ്യാനിച്ചുകൊണ്ട്, നമ്മുടെ രക്ഷകനായ യേശു മാത്രമാണ് പിതാവിന്റെ മുഖം വെളിപ്പെടുത്തുന്നതെന്ന് പാപ്പ തുടര്‍ന്നു. നമ്മുടെ എല്ലാ പരിധികളെയും കഴിവുകളെയും മറികടക്കുന്ന ഒരു നിത്യ വിധിയുടെ വാഗ്ദാനത്തോടൊപ്പം, നമുക്കെല്ലാവര്‍ക്കും അനുകരിക്കാന്‍ കഴിയുന്ന മനുഷ്യ വിശുദ്ധിയുടെ ഒരു മാതൃക യേശു നമുക്ക് കാണിച്ചുതന്നു.
ക്രിസ്തീയ വിശ്വാസം അസംബന്ധമാണെന്നും ദുര്‍ബലരും ബുദ്ധിശൂന്യരുമായവര്‍ക്ക് വേണ്ടിയുള്ളതാണ് വിശ്വാസമെന്നും കരുതപ്പെടുന്ന നിരവധി സാഹചര്യങ്ങളുണ്ട്. സാങ്കേതികവിദ്യ, പണം, വിജയം, അധികാരം, അല്ലെങ്കില്‍ ആനന്ദം തുടങ്ങിയ മറ്റ് സുരക്ഷാ സങ്കേതങ്ങള്‍ക്ക് മുന്‍ഗണന നല്‍കുന്ന സാഹചര്യങ്ങളുമുണ്ട്. സുവിശേഷം പ്രസംഗിക്കുകയും സത്യത്തിന് സാക്ഷ്യം വഹിക്കുകയും ചെയ്യുന്നത് എളുപ്പമല്ലാത്ത സന്ദര്‍ഭങ്ങളാണിവ, വിശ്വാസികള്‍ പരിഹസിക്കപ്പെടുകയോ എതിര്‍ക്കപ്പെടുകയോ വെറുക്കപ്പെടുകയോ പരമാവധി സഹിക്കുകയോ ചെയ്യുന്ന സ്ഥലങ്ങളാണിവ. ഇതേ കാരണങ്ങള്‍ക്കൊണ്ടു തന്നെ നമ്മുടെ മിഷനറി പ്രവര്‍ത്തനം അത്യന്തം ആവശ്യമുള്ള സ്ഥലങ്ങളാണിവയെന്ന് ലിയോ 14 ാമന്‍ മാര്‍പാപ്പ പറഞ്ഞു.
ഇന്ന്, യേശു മനുഷ്യനായി വിലമതിക്കപ്പെടുന്നുണ്ടെങ്കിലും, ഒരുതരം കരിസ്മാറ്റിക് നേതാവോ സൂപ്പര്‍മാനോ ആയി ചുരുക്കപ്പെടുന്ന നിരവധി സാഹചര്യങ്ങളുണ്ട്. വിശ്വാസികളല്ലാത്തവര്‍ക്കിടയില്‍ മാത്രമല്ല, മാമ്മോദീസാ സ്വീകരിച്ച നിരവധി ക്രിസ്ത്യാനികള്‍ക്കിടയിലും ഇത് സംഭവിക്കുന്നുണ്ട്. അവര്‍ ഈ തലത്തില്‍, പ്രായോഗിക നിരീശ്വരവാദികളായി ജീവിക്കുന്നവരാണെന്ന് പാപ്പ മുന്നറിയിപ്പ് നല്‍കി.
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ്,ടെലഗ്രാം ഗ്രൂപ്പുകളിലേക്ക് സ്വാഗതം Follow this link to join WhatsApp group
https://chat.whatsapp.com/FuxH3GIGJOZLwdy1V4FA8J
Follow this link to join Telegram group
https://t.me/joinchat/20BbDWgnkcBmMWI0
