ദൈവസ്നേഹത്തിന്‍റെ സ്വർഗീയ അനുഭവം കുടുംബങ്ങളിൽ ഉണ്ടാവണമെന്ന് ഉദ്ബോധിപ്പിച്ച് കോട്ടയം ആർച്ച്ബിഷപ് മാർ മാത്യു മൂലക്കാട്ട്.
സെന്‍റ് മേരീസ് മെത്രാപ്പോലീത്തൻ പള്ളിയിൽ ആരംഭിച്ച 23-ാമത് ചങ്ങനാശേരി അതിരൂപതാ ബൈബിൾ കണ്‍വൻഷനും കുടുംബ വിശുദ്ധീകരണ ധ്യാനവും ഉദ്ഘാടനം ചെയ്ത് പ്രസംഗിക്കുകയായിരുന്നു ആർച്ച്ബിഷപ്.
വിശ്വാസ ചൈതന്യവും പ്രാർഥനാനുഭവവുമുള്ള കുടുംബങ്ങളിലാണ് നല്ല മക്കൾ രൂപപ്പെടുന്നത്. നല്ല വ്യക്തികൾക്കുമാത്രമേ സമൂഹത്തിന്‍റെ ചാലകശക്തികളായി മാറാൻ കഴിയുകയുള്ളുവെന്നും ആർച്ച്ബിഷപ് കൂട്ടിച്ചേർത്തു. തകർച്ച നേരിടുന്ന കുടുംബങ്ങൾക്ക് താങ്ങും കരുതലുമാകാൻ ക്രൈസ്തവ കുടുoബങ്ങൾക്ക് കഴിയണമെന്നും മാർ മൂലക്കാട്ട് ഉദ്ബോധിപ്പിച്ചു.
അതിരൂപതാ വികാരി ജനറാൾമാരായ മോണ്.ജേസഫ് വാണിയപ്പുരയ്‌ക്കൽ, മോണ്. തോമസ് പാടിയത്ത്, മെത്രാപ്പോലീത്തൻപള്ളി വികാരി റവ.ഡോ. ജോസ് കൊച്ചുപറന്പിൽ, ഫാ. ജെന്നി കായംകുളത്തുശേരി എന്നിവർ പ്രസംഗിച്ചു.
അതിരൂപതാ സഹായമെത്രാൻ മാർ തോമസ് തറയിൽ വിശുദ്ധകുർബാനയ്ക്ക് കാർമികത്വം വഹിച്ചു. ഫാ. തോമസ് ചൂളപ്പറന്പിൽ, ഫാ. ജേക്കബ് വാരിക്കാട്ട് എന്നിവർ സഹകാർമികരായി. ഫാ. ബിനോയി കരിമരുതുങ്കലിന്‍റെ നേതൃത്വത്തിലുള്ള അട്ടപ്പാടി സെഹിയോൻ ധ്യാനകേന്ദ്രം ടീമാണ് കണ്‍വൻഷൻ നയിക്കുന്നത്
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ് ഗ്രൂപ്പുകളിലേക്ക് സ്വാഗതം
Follow this link to join our WhatsAppgroup
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി ടെലഗ്രാം ഗ്രൂപ്പിലേക്ക് സ്വാഗതം
Follow this link to join our Telegram group
