സിനഡൽ പാതയിൽ മാതൃക നൽകി ഇറ്റലിയിലെ കത്തോലിക്ക സഭയുടെ പ്രഥമ സിനഡൽ സമ്മേളനം നവംബർ 15 മുതൽ 17 വരെ റോമിൽ നടക്കും.
എല്ലാവരെയും ഉൾച്ചേർക്കുവാനും, അനുഗമിക്കുവാനും ആഹ്വാനം ചെയ്യുന്ന സിനഡാലിറ്റിയുടെ സിനഡൽ സഭയുടെ മാതൃകയായി, ആദ്യ ഇറ്റാലിയൻ ദേശീയ സിനഡൽ സമ്മേളനം നവംബർ 15 മുതൽ 17 വരെ, റോമിലെ വിശുദ്ധ പൗലോസിന്റെ നാമധേയത്തിലുള്ള പ്രധാന ബസിലിക്കയിൽ വച്ച് നടക്കും. നിരവധി മെത്രാന്മാരും, പുരോഹിതരും, സന്യസ്തരും, വിശ്വാസിപ്രതിനിധികളും സമ്മേളനത്തിൽ സംബന്ധിക്കും. സിനഡിൽ ഇത് വരെ ശേഖരിച്ച ഫലങ്ങളും, പ്രായോഗിക പാതയിലേക്കുള്ള നിർദ്ദേശങ്ങളും സമ്മേളനത്തിൽ ചർച്ച ചെയ്യും. വത്തിക്കാൻ കൗൺസിലിൻ്റെ സഭാപരമായ ദർശനത്തിൻ്റെയും അനുരഞ്ജന വീക്ഷണങ്ങളുടെയും വെളിച്ചത്തിൽ, സിനഡിന്റെ പ്രവചനഘട്ടമാണ് ഈ ദേശീയ അസ്സംബ്ലിയിൽ പ്രതിഫലിക്കുന്നത്. അജപാലന രീതികളുടെ നവീകരണം, വിശ്വാസ ജീവിതത്തിലെ രൂപീകരണം, പ്രേഷിതപ്രവർത്തനത്തിൽ സഹ-ഉത്തരവാദിത്തം എന്നീ ഘടകങ്ങൾ രേഖയിൽ ഉൾപ്പെടുന്നു. സഭാ സമൂഹങ്ങൾ കൂടുതൽ കാര്യക്ഷമവും, പ്രേഷിതോന്മുഖവും, സ്വാഗതാർഹവുമാകുവാനുള്ള സാധ്യതയുടെ വ്യവസ്ഥകളും രേഖയിൽ വിവരിക്കുന്നു.
ക്രൈസ്തവ ലോകത്തെ പുതുപുത്തൻ വാർത്തകളും വിശേഷങ്ങളും അറിയുവാൻ മരിയൻ വൈബ്സ് ന്യൂസ് പോർട്ടലിന്റെ ഏറ്റവും പുതിയ വാട്സ്ആപ്പ് ചാനൽ സബ്സ്ക്രൈബ് ചെയ്യുക….
👇🏻👇🏻👇🏻👇🏻👇🏻👇🏻
https://whatsapp.com/channel/0029VaELOKJId7nMsgAl330m
