ക്രൈസ്തവ വിശ്വാസത്തെ പ്രതി അൽബേനിയയിലെ കമ്മ്യൂണിസ്റ്റ് ഭരണകൂടത്തിന്റെ കീഴിൽ രക്തസാക്ഷികളായ രണ്ട് വൈദികരെ വാഴ്ത്തപ്പെട്ട പദവിയിലേക്ക് ഉയർത്തുന്ന നടപടികൾക്ക് മാർപാപ്പ അംഗീകാരം നൽകി.
ഫാ. ലൂയിജി പാലിക്, ഫാ. ഗ്ജോൺ ഗാസുല്ലി എന്നീ വൈദികരെയാണ് വാഴ്ത്തപ്പെട്ട പദവിയിലേയ്ക്ക് ഉയർത്തുവാൻ മാർപാപ്പ അംഗീകാരം നൽകിയത്.
വിശുദ്ധരുടെ കാരണങ്ങൾക്കായുള്ള ഡിക്കസ്റ്ററിയുടെ പ്രീഫെക്റ്റ് കർദിനാൾ മാർസെല്ലോ സെമെരാരോയുമായി നടത്തിയ കൂടിക്കാഴ്ചയിലാണ് പാപ്പ ഇരുവരെയും വിശുദ്ധ പദവിയിലേക്ക് ഉയർത്തുന്ന നടപടികൾക്ക് അംഗീകാരം നൽകിയത്. ദൈവദാസൻ ലൂയിജി പാലിക്, 1913 മാർച്ച് 7-ന് പെജെയിൽ (അൽബേനിയ) വിശ്വാസത്തോടുള്ള വിദ്വേഷത്താൽ കൊലചെയ്യപ്പെട്ട ഓർഡർ ഓഫ് ദി മൈനർ ബ്രദേഴ്സിലെ ഒരു പുരോഹിതനായിരുന്നു. 1877 ഫെബ്രുവരി 20-നാണ് ഇദ്ദേഹം ജനിച്ചത്. ഒന്നാം ബാൾക്കൻ യുദ്ധകാലത്ത് (1912- 1913), സ്കോപ്ജെ അതിരൂപതയിലെ പെജെ ഇടവകയിൽ അദ്ദേഹം സേവനമനുഷ്ഠിച്ചു. ഓർത്തഡോക്സ് ക്രൈസ്തവരോടുള്ള തന്റെ ബന്ധം ഉപേക്ഷിക്കാൻ ഫാദർ പാലിക് വിസമ്മതിച്ചു. സെർബുകളുടെ സഖ്യകക്ഷിയായ മോണ്ടിനെഗ്രിൻ ആർമിയുടെ സൈനികർ നടത്തിയ അക്രമങ്ങൾക്കിടയിലും കത്തോലിക്കരും മുസ്ലീങ്ങളും തങ്ങളുടെ വിശ്വാസങ്ങളോട് വിശ്വസ്തരായി തുടരാൻ അദ്ദേഹം ആഹ്വാനം ചെയ്തിരുന്നു.
1913 മാർച്ച് നാലിന് വിശ്വാസത്തെ പ്രതി ഈ വൈദികൻ അറസ്റ്റ് ചെയ്യപ്പെട്ടു. തങ്ങളുടെ കയ്യിലുള്ള ആയുധങ്ങൾ അധികാരികൾക്ക് സമർപ്പിക്കുന്നതിൽ നിന്നും ജനങ്ങളെ പിന്തിരിപ്പിച്ചു എന്ന് ആരോപിച്ചായിരുന്നു ഈ വൈദികനെ അറസ്റ്റ് ചെയ്തത്. തടവിൽ അദ്ദേഹം കഠിനമായി പീഡനങ്ങൾ അനുഭവിക്കേണ്ടി വന്നിരുന്നു.
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ് ഗ്രൂപ്പുകളിലേക്ക് സ്വാഗതം
Follow this link to join our WhatsAppgroup
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി ടെലഗ്രാം ഗ്രൂപ്പിലേക്ക് സ്വാഗതം
Follow this link to join our Telegram group
