കൊച്ചിയില് നടുറോഡില് നവജാത ശിശുവിനെ മരിച്ച നിലയില് കണ്ടെത്തിയ സംഭവത്തില് പ്രതിയുടെ റിമാന്ഡ് റിപ്പോര്ട്ട് ഇന്ന് പൊലീസ് മജിസ്ട്രേറ്റിന് മുന്നില് ഹാജരാക്കും.
ആരോഗ്യനില മോശമായതിനാല് പ്രതിയായ അതിജീവിത ആശുപത്രിയില് തുടരുകയാണ്. പൊലീസ് റിമാന്ഡ് റിപ്പോര്ട്ട് സമര്പ്പിച്ചതിനു ശേഷം മജിസ്ട്രേറ്റ് ആശുപത്രിയിലെത്തിയാവും അതിജീവിതയെ കാണുക.
കൊച്ചിയില് നടുറോഡില് നവജാത ശിശുവിനെ മരിച്ച നിലയില് കണ്ടെത്തിയ സംഭവത്തില് ഇന്നലെ ഉച്ചയോടെ അറസ്റ്റിലായ 23 വയസ്സുകാരിയായ അമ്മയുടെ മൊഴി രാവിലെ ആശുപത്രിയിലെത്തിയാവും മജിസ്ട്രേറ്റ് രേഖപ്പെടുത്തുക. പ്രതിയെ റിമാന്ഡ് ചെയ്താലുടന് പൊലീസ് കസ്റ്റഡി അപേക്ഷ സമര്പ്പിക്കും. പ്രതിയെ വിശദമായി ചോദ്യം ചെയ്തതിന് ശേഷമാകും ആണ് സുഹൃത്തിലേക്ക് അന്വേഷണം നീട്ടുക.
അവിവാഹിതയായ അതിജീവിതയുടെ ആണ് സുഹൃത്തിനെ പൊലീസ് ഇന്നലെ രാവിലെ തന്നെ കണ്ടെത്തിയിരുന്നു. അതിനിടെ അതിജീവിതയുടെ മാതാപിതാക്കള്ക്ക് സംഭവത്തില് പങ്കില്ല എന്ന നിഗമനത്തില് തന്നെയാണ് പൊലീസ്. ഇന്നലെ പുലര്ച്ചെ അഞ്ച് മണിയോടെ യുവതി ശുചിമുറിയില് പ്രസവിച്ചതിന് ശേഷം കുഞ്ഞിനെ ഒഴിവാക്കാന് ആരുടെയെങ്കിലും സഹായം തേടിയിട്ടുണ്ടോ എന്നും പൊലീസ് പരിശോധിക്കുന്നുണ്ട്.
ക്രൈസ്തവ ലോകത്തെ പുതുപുത്തൻ വാർത്തകളും വിശേഷങ്ങളും അറിയുവാൻ മരിയൻ വൈബ്സ് ന്യൂസ് പോർട്ടലിന്റെ ഏറ്റവും പുതിയ വാട്സ്ആപ്പ് ചാനൽ സബ്സ്ക്രൈബ് ചെയ്യുക….
👇🏻👇🏻👇🏻👇🏻👇🏻👇🏻
https://whatsapp.com/channel/0029VaELOKJId7nMsgAl330m