അനേകരെ ദൈവത്തിങ്കലേക്ക് ചേര്‍ത്ത് നിറുത്തിയ ദൈവദാസന്‍ ആത്മാവച്ചന്‍റെ പൗരോഹിത്യ സ്വീകരണ ശതാബ്ദി ആഘോഷങ്ങള്‍ക്കായി കുര്യനാട് സെന്‍റ് ആന്‍സ് ആശ്രമദേവാലയം ഒരുങ്ങുന്നു.
ദൈവദാസന്‍ ഫാ. ബ്രൂണോ കണിയാരകത്ത് സിഎംഐ എന്ന ആത്മാവച്ചന്‍റെ പൗരോഹിത്യ സ്വീകരണ ശതാബ്ദിയുടെ ഭാഗമായി 20ന് വൈകുന്നേരം നാലിന് കുര്യനാട് സെന്‍റ് ആന്‍സ് ആശ്രമദേവാലയത്തില്‍ കൃതജ്ഞതാബലിയും കബറിടത്തില്‍ പ്രാര്‍ത്ഥനയും നടത്തും.
മാര്‍ ജേക്കബ് മുരിക്കന്‍ തിരുക്കര്‍മ്മങ്ങള്‍ക്ക് കാര്‍മികത്വം വഹിക്കും. ബ്രൂണോ അച്ചന്‍റെ ജീവിതവുമായി ബന്ധപ്പെടുത്തി ഗിരീഷ് കെ. ശാന്തിപുരം തയാറാക്കിയ ആശ്രമാവൃതിയിലെ ദേവനക്ഷത്രം എന്ന ഗ്രന്ഥം മാര്‍ ജോസഫ് പള്ളിക്കാപറമ്പില്‍ പ്രകാശനം ചെയ്യും.
വൈസ് പോസ്റ്റുലേറ്റര്‍ ഫാ. തോമസ് കൊല്ലംപറമ്പില്‍ സിഎംഐ, പ്രിയോര്‍ ഫാ. സ്റ്റാന്‍ലി ചെല്ലിയില്‍ സിഎംഐ , പ്രൊവിന്ഷ്യല് ഫാ. ഏബ്രഹാം വെട്ടിയാങ്കല്‍ സിഎംഐ എന്നിവരുടെ നേതൃത്വത്തിലാണ് ഒരുക്കങ്ങള്‍ പുരോഗമിക്കുന്നത്.
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ് ഗ്രൂപ്പുകളിലേക്ക് സ്വാഗതം
Follow this link to join our WhatsAppgroup
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി ടെലഗ്രാം ഗ്രൂപ്പിലേക്ക് സ്വാഗതം
Follow this link to join our Telegram group
