കൊച്ചി :ജനദ്രോഹപരമായ മദ്യനയങ്ങള് തിരുത്തണമെന്നും മദ്യവ്യാപന നയങ്ങളില് നിന്നു സര്ക്കാര് പിന്വാങ്ങണമെന്നും കെസിബിസി മദ്യവിരുദ്ധ സമിതി സംസ്ഥാന ചെയര്മാന് യൂഹാനോന് മാര് തിയഡോഷ്യസ്. പാലാരിവട്ടം പിഒസിയില് ഡയറക്ടര്മാരുടെ സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
മയക്കുമരുന്നിന്റെ കുത്തൊഴുക്ക് തടയാന് സര്ക്കാര് സംവിധാനങ്ങള് പരാജയപ്പെട്ടിരിക്കുന്നു. പിടിച്ചെടുക്കുന്ന ലഹരിവസ്തുക്കളുടെ ഉറവിടത്തെക്കുറിച്ചും പിടിച്ചെടുത്തശേഷം ഇവ എന്തുചെയ്യുന്നു എന്നതിനെക്കുറിച്ചും ജുഡീഷല് അന്വേഷണത്തിന് സര്ക്കാര് തയാറാകണം. മദ്യപ്പുഴ ഒഴുക്കി നവകേരളം സൃഷ്ടിക്കാനുള്ള അഭിനവ നവോത്ഥാന നായകരുടെ നീക്കങ്ങള് അപഹാസ്യവും അപലപനീയവുമാണ്. മദ്യവര്ജന നയം പ്രസംഗങ്ങളിലും പരസ്യങ്ങളിലും മാത്രമായിരിക്കുന്നു. വീര്യം കുറഞ്ഞ മദ്യം ഉത്പാദിപ്പിക്കാനുള്ള നീക്കം മദ്യലോബികള്ക്കുള്ള സര്ക്കാരിന്റെ സമ്മാനമാണ്. വീര്യം കുറഞ്ഞ ലഹരികള് ക്രമേണ കുടുംബങ്ങളെ ഇല്ലായ്മ ചെയ്യുമെന്നും ഇത് മാനവനാശത്തിന്റെ സൂചനയാണെന്നും സമിതി വിലയിരുത്തി.
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ് ഗ്രൂപ്പുകളിലേക്ക് സ്വാഗതം
Follow this link to join our WhatsAppgroup
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി ടെലഗ്രാം ഗ്രൂപ്പിലേക്ക് സ്വാഗതം
Follow this link to join our Telegram group